أحتاج لمساعدتكم ..
 

السلام عليكم والرحمة

.
.

أنا تعبانة وآيد .. خايفة حالتي ترجع مثل قبل
وأعاني من الخوف مثل أول .. وأنا ما أبيها ترجع

البارحة حلمت حلم وفزيت من الحلم وانا ميتة خوف ..
حلمت إني كنت لابسة فستان آبيض ورآح أتزوج من ولد خالتي
ولكن بعدني ما دخلت القاعة وجي .

أول ما فزيت فسرت الحلم بالموت ..

يوم سألت أختي عن الحلم من دون ما أوضح لها إني أنا اللي كنت بالحلم
قالت لي الفستان الأبيض يعني الكفن ..
وأنا خلاصص حسيت نفس تفسيري اللي فسرته ..
وخايفة أسأل عن التفسير عند أي شيخَ .. يمكن يطلع شرات التفسير الي حنا فسرناه




أدري ان الموت يطرق كل باب
بس ليش أنا حلمت ذا الحلم ..

بليز ريحوني .. مو عارفة أفضفض لمنو غيركم ؟؟؟

ع حسب مايقول المفسرون ان الفستان الابيض بشرى زواج والله اعلم

اسأل الله في هذه الساعه أن يشفيك يا أختي و يشفي جميع مرضى الوسواس

حبيبتي لا تفسرين أي حلم و أكثر التفسيرات المنتشرة غلط و الحلم بالفستان الأبيض قد يدل على زواج

:
الفستان الابيض في المنام هو الزوج لقوله تعالى(أنتم لباس لهن وهن لباس لكم) ويدل اللون الابيض على صفاء قلبه اتجاهك ولكن الناس يضنون غير دلك وهو فقير

أختي حبيبتي هذا كله وسواس ومن الشيطان أنا لي سنين اشوف نفس الحلم وهذائ عايشه ولله الحمد ذا الشيطان يلعب بعقلك ويشغل بالك
طنشي الأفكار ؤتوكلي على ربك وعيشي حياتك ولاتخلين الوساوس تسيطر عليك أنا تعبت من الوسواس وأنا صغيره بس اللحين أطنش وارتحت
خلي أيمانك بالله قوي وم راح يصير إلا اللي ربئ كاتبه لاتخافين هدي أختي حتى أمي دائم تشوف الحلم وفسرته م صار موت ولاشي عادي
م تشوفين شر أقري سورة البقره كل ليله وداومي على ألاذكار وربي الحافظ دمتي بضحه وعافيه أي خدمه ومساعده أنا حاضره

انا محد خلى حالتي تصير اسوء غير الاحلام
كل مااحلم حلم على طول اربطه بشي مب زين وعلى طول على النت ادور التفسير وطبعا هالشي خلى نفسيتي ارف
بس معروف ان الشخص اللي يفكر فشي يحلم فيه يعني تأثير العقل الباطن
طبعا لما شفت حالتي ساءت صرت اطنش وماافكر فيها والحمدلله

ربي يشفيج اختي ويشفي الجميع يارب