تعالو اخواني
 

السلام عليكم ،،، اخواني ياريت كل واحد يذكر اول نوبه هلع صابته يعني ( المكان ) ( شو كان ياكل او يشرب) ( الوحده او احد عنده ) ( متضايق او وضعه عادي ) ( شو كان يعمل وقتها ) نشوف ونقارن اذا فيه تشابه لو بسيط ممكن نستفيد، انا اول نوبه هلع ، المكان السينما، نوع الشارب عصير مثلج، عندي ثلاث اشخاص، وضعي عادي جدا، ( اشوف فلم عادي).

انا كنت اتفرج تلفزيون واجتني النوبه قبلها كنت طبيعيه حسيت انها الموت خلاص
استمرت ربع ساعه بس مانت عاصفه مو نوبه ^_*

انا اول نوبة جتني كنت توني ماكل شاورما ومخلص وجالس بسيارتي انتظر المحاظره تبدا

فجاه حسيت بدوران غريب ثمن قلبي صار يخفق ثمن نزلت من السيارة وانا مستغرب وتوكلت على الله قلت بروح للمحاظرة قلت يمكنه شي جا بالغلط او كذا ودخلت المحاظره وليتني مادخلت كل شوي يجيني دوران وخفقان واتعرق ثمن يخف ثمن شوي يعود يرجع صارت المحاظره كنها سنه بالنسبه لي المهم من يوم خلصت سحبت عالمحاظره الاخيره وهوبا عالبيت

ومن هنا بدت المعاناة مع اني مااحس اني مثلكم انتو تجيكم فجاه انا لا اذا توترت احس بالخفقان بس هذا اللي عندي

في تشابه نسبي في الحالات يعني ساره تطالع تلفزيون ، ونا اطالع سينما، وعزوزي كان ياكل قبل النوبه نفس حالتي ، يعني انتو الاثنين مشتركين بنفس حالتي ، لكن عزوزي كان لوحده ، وساره نفس الشي ، اوكي نستبعد الجلسه الجماعيه ، نتشابه با الاكل ، والاندماج في التلفزيون، اشكركم اختي ساره وعزوزي ، احد ثاني يشارك.

انا كماان كنت اتفرج بالتلفزيون وجاتنيي الله لايعيد ذا اليوم :(
على فكره اعرف وحده بعد جتها وهي تتفرج بالتلفزيون الظاهر التلفزيون فيه شي

حتى انا جاتني بعد الاكل طبعا كنت اكل اندومي
بس قبلها كانت نفسيتي شبه منهاره وبكيت كثير
وصح اكلت ونمت على طول وكان المكيف شغال فاعتقد الشغله لها علاقه بالجهاز الهضمي

اشكر اخت لييان وام لبنتين ، اعتقد ممكن نرفع نسب التشابه ،ولين الحين التشابه الاكثر وضوح هو الاندماج التلفزيوني ، يعني الجهاز العصبي المتهم الاول والجهاز الهضمي الثاني حسب نسب التشابه ، ام لبنتين النفسيه كانت تعبانه مثل ما قلتي بكيتي كثير ، لكن هذا لين الحين مايدعم سبب النوبه حسب تجربة الاخوان يعني اربعه نفسيتهم عاديه قبل النوبه ، زين لين الحين التلفزيون المشترك بينا قبل النوبه ، اشكركم.

انا اختلف عنكم انا كنت بالسياره وجايه من مناسبه وفجاه حسيت بكتمه وشي غريب وعادي نسيتها ثاني يوم ومارست حياتي بشكل طبيعي المره الثانيه كنت فجاه جالسه تحت ما اذكر بالضبط ايش كنت اسوي بس اللي اذكره انه كتمه قوووويه وبعدين بدا التنميل والأعراض الباقيه حتى اهلي لانها اول مره تفاعلو معاي وطلبو لي الاسعاف وكانت امي ضامتني وتبكي وأبوي جاي يمسك فيني يقول يابنتي انتي جسمك بارد وشفيك كان خااااايف كلهم متوقعين انه راح يصير لي شي وجا الاسعاف قال كل شي سليم تفاجأو بس على طول صحيت الصبح نسيت هذي بداياتها كانت خفيفه ًبسرعه انساها

انا جاتني قبل النوم<< أسوأ ليله في حياتي ههههه
كنت ف السرير وجاتني أقوى نوبه هلع في العالم وتكررت عدة مرات تلك الليله
ذهبت الى المستشفى وطمنني الدكتور، السبب اني كنت أشوف فلم ع الابتوب
عن تسونامي جنوب شرق آسيا، كانت الجثث متناشره كل مكان، أعتقد هذا
اللي سبب لي الحاله، والحمد لله على كل حال..

انا كنت اتفرج على التلفزيون قبل صلاه الفجر ولما اذن قمت اتوضا ووجتني الحاله ورحت الصلاه واانا اتراجف

موضوع ممتاز وشكرا لصاحبه
اول نوبه جتني وانا نايمه وجلست مفزوعه وصرت اصرخ وطيرااااان عالمستشفى
وعملولي تحاليل واشعه وعطوني مغذي وإبره خلتني انام 14 ساعه متواصله

انا جتني قبل زواجي بيوووم وكنت لا متوتره ولا شي بالعكس كنت مبسوطه ..... بس اذكر قبلها بأربع شهور كنت نايمه وصحيت على صوت اخوي كان متخانق مع صديقه وصحيت ع صوت الخناق واذكر انه اغمى علي

شو هالصدفه انابعد اول نوبة هلع تأتيني كنت اشوف التلفزيون و فجاه حسيت روحي تطلع حطيت أيدي على قلبي لاني حسيت
من سرعة دقات قلبي و من الخوف ان خلاص نهايتي قربت و روحي بتطلع
و ركضت برا الغرفه و بعدين نزلت تحت و طلعت برا لحديقة البيت مع ان كان الظهر و حر موت بس حسيت اني مابي ارجع داخل ابغي أتم برا 😭😭😭😭

سبحان الله ساره كأني انا وطلعت برا الحديقه مو راضيه ادخل قلت خلاص بودع واهلي يقولولي اجلسي مافيكي شي وانا بغير عالم الخوف واحساس سحب الروح حسيت هو هذا الموت واقول لامي خلاص انا بموت