نتيجة الهولتر
 

اليوم رحة المستشفى وقال الدكتور عندك خفقان كثير وعطاني كونكور 2.5 وقال بعد أسبوع اذا مانفع احولك على دكتور في الدمام تسوي قسطرة والله الحين احس بالموت وخايف كثير المشكله ماجتني إلا مع الوسواسوالله اني خلاص انتظر الموت

اخي لا تخاف والله انا مثلك اعطاني كونكور نص حبه بس تركته هذه معناه عندك كهربا
لا تحتاج قسطره ولا شي

بس اللي عندي 24 ساعه تجيني قبل كانت خفيفه بس زادت مع الوساوس

اخي انا مثلك حتى شكيت بنتيجه الايكو لان الخفقان مستمر والنبضه الزايده
وقالي لازم تستمرين على الكونكور بس بصراحه تركته مثل ماقلت لك
حتى خوفني وقالي ميصير تاخذين اي علاج حتى البندول لانه بيأثر عليا
اللن مع العلاج النفسي الحمدلله صارت تيجيني بس على خفيف

وش العلاج اللي عطاك الدكتور النفسي طيب هل هي تسبب الجلطه والموت المفاجئ؟

أخي لاتفكر بهذي الطريقه لأنك كذا تزيد على نفسك،، مارس تمارين الاسترخاء وان شاء الله بتتحسن كثير...

اخي لاتخاف مو لهذه الدرجه الحاله بسيطه جدا اذا نسيتها هي بتنساك لاتركز فيها وترى معظم الناس عندهم مو بس احنا
انا اخذ الان زولفت مع زيبركسا

والله النوم ما اقدر انام ولا اقدر اسوي شيء والله خايف وتعبان أحاول أنسى بس ماقدرت ابي شيء يخليني أنسى واعيش طبيعي اشوف الناس تضحك وتنبسط وانا كئيب وحزين والله مقهور والحمد لله على كل حال اللهم لا اعتراض

لا تخف اخي هذه مجرد اعراض وتروح ان شاء الله
انا كنت مثلك وحطولي الهولتر مدة 24 ساعه
لكن مع الدواء النفسي اصبحت افضل بكثير من السابق

سلامتك ماتشوف شر انا انصحك شوف دكتور ثاني وسالفة القسطره اجلها شوي لما تتأكد ان عندك مشكله فعلا بالقلب لازم دكتور ثاني يشوفك

بعد اذنكم اخواني..

يعني الدكتور يشخص انه عندكم خفقان... طيب ما يقول ايش سببه؟؟

ثم كم مدة المقابلة بينكم وبينه و ما هي الاسئلة التي يوجهها لكم؟؟

بصراحة يا اخوان.. اللي يعاني من الوسواس...

شيء غييييير طبيعي انه ما يكون عنده خفقان

اخوي الكريم:-
اول شيء اذكر الله وقول لا اله الا الله
اخي الهولتر يقيس مستوى النبض في القلب لمدة 24 ساعه وصدقني انت الخوف الي فيك انك تخاف من مرض القلب
بعدين اخوي ماعطيتنا العمر ؟
هل انت مدخن ؟
هل يوجد لديك دهون ثلاثية او كوليسترول ؟
هل انت مصاب بالضغط ؟
هل انت مصاب بالسكري ؟
هل انت مصاب بالغدة الدرقية ؟

اخي الكريم اجل موضوع القسطرة القلبية
اعمل ما سأقوله لك وصدقني مابك الا كل خير هذا الوهم علاجة بسيط
1.اعمل صورة دم كاملة
2.اعمل تخطيط للقلب
3,أعمل ايكو للقلب
اخوي القسطرة مايقول لك الدكتور كذا الا انه شاك فقط
روح لأستشاري قلب واوعية دموية فقط للأطمئنان

وان شاء الله مابك اي خلاف
منتظر النتيجة ..

الحمدلله ما اشتكى من أي مرض إلا من جرثومة المعده وراحت ولا عندي سكر ولاضغط ولأني مدخن والعب رياضة بس الحاله جتني مع الوسواس الدكتور قال في طريقتين عشان تروح الخفقان الأولى بالحبوب والثاني بالقسطره وانا متأكد ان اللي فيني وسواس لأن الايكو يقول القلب سليم بس المشكله الخفقان

اخي في الله لاتستعجل ولاتخاف ولاتهلع

والله ماعندك دكاتره على طول شخص حالتك انك تحتاج قسطره


الخفقان عندك سببه جرثومة المعده ،،،، وحتى لو تعالجت من الجرثومه سوف تبقى اثار مرضيه بسببها ،،، وسواس يسبب الخوف لديك من مرض القلب وبكذا تتزايد النبضات ،،،

واذا انت شخص رياضي معدل الخفقان ينزل بعد ممارسة الرياضه،،، وجرب قياس النبضات بعد التمارين الرياضيه ،،،

المهم عالج المعده للتخلص من الوسواس القهري ،،، واذا تبي الصراحه ... اعمل حجامه في منطقة الراس ( اعلى الراس وخلف الراس ) وبعدها اكتب تجربتك ..

هذا والله اعلم

على كذا كل اللي بالمنتدى يبي لهم قسطره مافي انسان مايجيه خفقان وخاصه احنا
روح لاكثر من دكتور ولا تخاف اول شي الخفقان شي طبيعي والقسطره كمان لو احتجتها ماتخوف لهالدرجه
لكن اللي فيك يمكن قولون او نفسي