توتا

بيانات اضافيه [ + ]

رقم العضوية : 4325  تاريخ التسجيل :  07 2003  أخر زيارة : 22-10-2010 (10:55 PM)  المشاركات : 22 [ + ]  التقييم :  10

لوني المفضل : Cadetblue

اختي ملكة سبأ
انا ماراح اقولك اكثر من الي قالوه اخواني واأخواتي الأعضاء
بس ضيقت الخلق هذي ماتحدث الى تحت ضعوطات خارجيه ممكن تكون في البدايه عاديه وصغيره بالنسبة لك لكن مع اهمالها وعدم معالجتها تتراكم هذي الضغوطات الصغيره وتصير جبال على الصدور بعدها الإنسان قد يصل إلى مرحلة الإنفجار أو الإكتئاب

وانا بصراحه مريت بهذا الشي لما يضايقني شي صغير ابدأ استرجع كل امر شين مر علي قبل كذا وأبدا اربط مابينهم واكبرهم في نفسي حتى يصير في النهايه شي لايطاق

قبل اسبوع حصلت لي حادثه قد تكون بسيطه لكنها اساءت بحالتي النفسيه بشكل ماتتصورين ومالقيت في وجهي إلى وحده مابيني وبينها هذيك العلاقه الي تخليني افتح لها قلبي واتكلم معها بشكل صريح لكن الوضع ماكان يسمح اني اسكت اكثر صرت اتكلم معها واتكلم مااكذب عليك حتى هي تفاجئت اني اتكلم معها بهذي الصراحه والحده
لكن تدرين ايش الي صار صارت تهديني الى ابعد حد واعطتني حلول ماكنت مقتنعه فيها ابد لكن حاولت اطبقها والحمد لله بعد هذاك اليوم نفسيتي تمام
خلاصة كلامي هذا انك ماتكتمي اي شي في نفسك ( الحوار الداخلي ) الي في نفسك لازم على طول تظهرينه لأنو اي شي في نفسك راح ينعكس على نفسيتك وتصلين الى هذي الحاله الى انتي فيها

وابغى اسئلك سؤال كذا جوابي عليه بينك وبين نفسك ايش اهم ميزه فيك
وايش هي افضال ربي عليك
حاولي تحصرين هذين الشيئين في نفسك
بعد كذا قارني نفسك الحين ولو ماربي تفضل عليك بهذي النعم الي انتي فيها ايش بكون حالك
وحاولي تبرزين اهم ميزاتك اهم صفاتك اعلنيها ، حاولي تساعدين اي حد محتاجك ، حاولي تحلين مشكله صارت مع غيريك ساعدي من هم بحاجه لك
صدقيني راح تحسين بقيمتك واهميتك وتستعيدين نفسك

وقبل كل ذا اقولك حاجه وحد صلي اخر الليل واسجدي لرب العالمين واشكريه على فضله وبوحي بكل مايخالجك في نفسك وابكي ، صدقيني راح ترتاحين

وقولي في دعائك قول الرسول في دعائه في الكرب( الهم إليك اشكو ضعف قوتي ،وقلة حيلتي ،وهواني على الناس، يأرحم الراحمين انت رب المستضعفين وانت ربي ،إلي من تكلني إلى بعيد يتجهمني ؟ أم إلى عدو ملكته امري ، إن لم يكن بك غضب علي فلا أبالي غير ان عافيتك هي اوسع لي أعوذ بنور وجهك الذي اشرقت له الظلمات ، وصلح عليه امر الدنيا والأخره ان يحل علي غضبك أو ينزل بي سخطك ، لك العتبى حتى ترضى ولا حول ولا قوة إلا بك)
والله يبعد عنك الهم والغم والكرب