المشاركة الأصلية كتبت بواسطة هدوء جدة

التحاليل النظام الجديد لازم تكون في مستشفى الولادة بمكة المكرمة في النسيم وماتستلميها صاروا يرسلوها
بالبريد على الشرطة مو زي اول يد بيد المهم تاخذلها اسبوعين وفي ورقة البصمة يروح بدري الصباح الساعة 8 خطيبك يكون عندهم
يسوي البصمة وتاني يوم يستلمها مكانها في الشرايع الادلة الجنائية اسمها
وبعدين في ورقة لكي حقت برنت الاحوال بدقايق
وورقة العمدة الافضل خطيبك لو ماكان من سكان مكة الافضل يجيب ورقة العمده من مكة عشان اسهل
وورقة تعريف بالراتب الافضل من 7 الاف وفوق اقل من 5 الاف يدققوا الامارة
بعدها خلاص لمن تجيبوا كل الاوراق عندكم الاحد او الاثنين او الثلاثاء فقط
تروحي انتي والوالد وخطيبك تقدمو كل الاوراق والتحاليل تحصلوها في الشرطة وان شاء الله سليمة وع فكرة اهم
شي عندهم الاجنبي سليم اما السعودية عادي مو شرط المهم الوالد حيوقع ع ورقه انوه موافق
وخطيبك راح يوقع ع ورقة انه ماتزوج قبل ويوقع وانتي تروحي القسم النسائي وتوقعها لا ترتبكي عادي حتسال هوا من مكة قوليها ايوا وين ساكن وتقوليها
كم راتبوا احفظيهم هيا مالها شغل بس تتفلسف فلا تخافي وتوقعي
بعدها مو الخميس الي في نفس الاسبوع لا الخميس الي بعده تروح للامارة تتتصلي ع الامارة الاحد بعد الظهر وتعطيهم رقم الصادر الي راح تاخدي يوم الخميس من الشرطة
والموظف راح يعطيكي رقم القيد حق الامارة تصير تشيكي عليه من موقع الامارة
تجلس في الامارة اسبوعين ولو في واسطة 10 ايام
اهم شي الواسطة في الامارة لانو الموافقه عندهم

كم عمرك ؟وها عندك صك طلاق او خلع او قرابة