نفساني - عرض مشاركة واحدة

20-12-2014, 01:30 AM

اقتباس:

المشاركة الأصلية كتبت بواسطة زهراني حزين

اول نوبة اكتئاب ذهاني صابتني قبل تقريبا ثلاث سنوات ونصف او اربع سنوات..
اذكر وقتها جلست اسبوع كامل استفرغ في اليوم يمكن ثلاث مرات او اكثر واسهال شديد الله يكرم السامعين ويخرج مني ماء اصفر وطول الوقت اتوهم ان الناس يتكلمون فيه ويزيد الشعور بالاكتئاب كل ما تذكرت ان الناس يحيطون بي وجلست اسبوع على هذي الحالة
وبعدين بالقوة سحبت نفسي وشغلت سيارتي ورحت عيادة الصحة النفسية في بلجرشي وكانت بعيدة عني تقريبا مسافة 100كم وكنت كل ما ماشيت تقريبا مسافة ثلاثين كيلو اوقف السيارة شوي ارتاح من شدة التعب لاني كملت تقريبا مدة شهر بدون ما اقدر اكل اي شي ولا اقدر انام من الضيقة الشديدة والاكتئاب والاستفراغ..
المهم وبعد ما وصلت العيادة حظي كان زين طحت في دكتور مصري الظاهر انه استشاري وعرف ان عندي اكتئاب ذهاني مع اني ماقلتله وش سبب الضيقة في صدري بس هو عرف الطبخة كلها..
وبعدين كتبلي علاجين هم الزيبريكسا 5 مج والفافرين 50مج مرتين في اليوم بعد الفطور وبعد العشاء..
وبعد خامس يوم من استخدام العلاجين شفيت من اعراض ظنون الاضطهاد بنسبة 100% ولكن الخوف والرهاب ماراح مني ابدا..
وبعد ما استمريت على العلاج لمدة شهرين قطعته فجأة وبدون تدرج وماكنت ادري ان اللي يقطع العلاج النفسي ينتكس وجلست بعدها تقريبا ثلاث شهور بدون علاجات بس كنت في حالة يرثى لها اكتئاب شديد ووساوس قهري وافكار اضطهادية..
وبعدين رجعت للدكتور وزودلي جرعة الزيبريكسا من 10 الى 15 واخذت منه حبة قبل النوم اذكر وبغيت انتحر من شدة الاكتئاب لدرجة اني صرت اشوف في الظلام اشياء مثل خطوط الطول ودوائر العرض حق الكرة الارضية واسمع اجراس ترنرن في راسي ههههه
وبعدين اخذت العلاج لمدة اسبوع الا ومافيه فايدة الاكتئاب وافكار الاضطهاد ماهي راضية تروح من راسي والمشكلة وقتها كنت معتقد ان افكاري صحيحة كلها وهي كلها اوهام وهذا اللي كان قاهرني اكثر شي..
وبعدين جلست طول هذي الفترة اراجع عيادة الصحة النفسية في مكة وكانو يعطوني مضادات اكتئاب ونفس الشي كانت ماتفيد وتسببلي افكار انتحارية وكنت اخذ من الطواري احيانا زاناكس ولوكسوتانيل ونفس الشي ماكانت تعطي نتيجة وجلست تقريبا على هذي الحالة ثلاث سنوات اكتئاب شديد وافكار اضطهادية وتفكير في الانتحار وماكنت استخدم ادويه ابدا...
وبعد تقريبا ثلاث سنوات بدأت تخف عني الافكار الاضطهادية بالتدريج والرهابات والخوف من الناس بداء يخف تدريجيا الى ان اختفى هذا الشعور ولا اعلم وش السبب ؟؟
اخر علاجات استخدمتها هي السيركويل وبعده ستيلازين بس لاحظت اني كل ما استخدم مضاد ذهان يطلعلي على غريبة وهي تبول ملح يعني كل عشر دقايق ادخل الحمام ويطلع مع البول صديد ويجيني ارتجاع في المريء وتركتها..
وحاليا استخدم علاج التربتيزول 25مج عشان يساعدني في مشكلة التبول والصديد ومساعد على النوم والحمد لله اختفت عني كل اعراض الذهان بس اللي باقي فقط اكتئاب مابعد الذهان ويجيني على فترات متقطعة خاصة اذا تعرضت للضغوط النفسية

================================================== ==========================================

هلا وغلا اخوي زهراني فعلا التشخيص الصح نصف العلاج او حتى كله

ممكن خيره ما جانا من امراض والله المستعان

بس انت محظوظ جدا انك قدرت تترك الادوية النفسية وهذا يدل على قوة صبرك وعزيمتك

علاجك ما قد استخدمته لكن السيركويل من اسباب تدهور صحتي واسئل الله ان يعوضني خير

مشكلة التبول تحصل مع الكثير انا اتبول اعزك الله كثير كله من الادوية النفسية المعلونة

طيب ليش ما تشوف عمل يشغل وقتك

الانتحار هذي الفكرة الملحة عندي وتبي الصراحة خايف جدا من التنفيذ في لحظة انكسار وتزل القدم بس ما اقدر اقول الا رب يسهل الامر

تقبل تحياتي

================================================== =========

ظل مشكورة وش نسوى الله ينتقم ممن اقنعني بالعلاج النفسي وترك الرقية