|
خوف وهلع من الدخول للكليه
السلاام عليكم
كيفكم اخواني
سالفتي الجديده ياطويلين العمر من امراضنا النفسيه اللي ماتخلص
انا المفروض كنت مداوم الكورس الاول في شهر 9 اللي فات وكنت مستعد اني اداوم
لكن وقفت قيدي قبل الدوام بكم يوم لان جاتني حالة هلع وبكاء شديد ماقدرت اتحكم فيها..
ماقدرت امسك نفسي 24 ساعه كنت ابكي بخووووف ورجفه الله لايوريكم
والحين الكورس الثاني شهر 2 الجاي ولازم اداااوم انا بغصب نفسي على الدوام
لان لي متى وانا قاعد بالبيت الحين او بعد 100 سنه انا مداوم مداوم خلاص مافيه مهرب صح؟؟
مابي اتهرب لان مصيري راح اداوم ف لازم اتغلب على هالشي الحين
وحاولت في هالايام اتقرب من ربي صلاة وقرأن وقيام ليل وإن شاءالله الاقي نتيجه
لكن ايضا اشعر بخووف قليل من مواجهة الشباب والناس اللي في الكليه لاني اجد صعوبه في تكوين العلاقات
ولا اشعر انه احد يحب مجالستي لان سوالفي قليله ولا اتكلم باشياء كثيره هذا فوق الرهاب ايضا انا طبيعتي لا اتحدث كثيرا
ما الحل يا اخوان اسعفوووني هل يوجد حل لان الدوام بعد 20 يوم وانا خايف لكن قبل الدوام بيوم شنو راح اسووي ؟؟؟؟
|