أخوي غريب الهواء:

الشي الأول :
أنا ما قلت للناس تفحص الا يوم شفت الناس الضعيفين يجيك الواحد منهم ويقول سويت الفحوصات كاملة وسليم بس ما ادري وش فيني ثم الدكتور يوجهه للطبيب النفسي وهو أصلاً المفروض أول فحص يسويه على المعده والقولون ثم باقي الفحوصات الباقية وإذا ما تبين فيه شي يروح للطبيب النفسي لأنهم هم اهم شي بالجسم والرسول عليه الصلاة والسلام يقول المعده بيت الداء.
وأنا ما طلبت من كل واحد يروح ويفحص بالمنظار الا اذا كان الشخص نفسه قام وسواء جميع الفحوصات كامله ماعدا فحص المعده والقولون وكان يشكي من الاعراض اللي أنا ذاكرها الدوخة والم القلب ونغزات القلب ورهاب وسواس الموت خوف هلع اكتآب الم باليد اليسار الم بمنتصف الظهر عدم القدره على المشي ضيق تنفس كتمة خفقان بالقلب واواواوالــــخ.
الشي الثاني :

أنت تقول الدكتور سالم الخفاف وجه واحد منهم للطبيب النفسي أخوي أنا يوم اجيب الرابط منا باستشهد بالطبيب نفسه لأن كلامه مردود عليه أنا جبت الرابط هذا اببين للناس اللي اصلا تشكي هذي المشكلة وأقول هذا اللي فيكم من المعده والقولون وبعدين لو الأمر نفسي الناس كلها تشكي من نفس الاعراض وإذا قامت وفحصت المعده والقولون يتبين أن عندها اللتهاب بالمعده والقولون هذا وش يدلك عليه الا ان المشكلة كلها من المعده والقولون بالله عليك حدث العاقل بما لا يليق فأن صدق فلا عقل له.

الشي الثالث :
تقول طيب فيه ناس بعد ما عرفوا ان المشكلة اللي فيهم اللتهاب بالمعده والقولون نعم اقولك فيه ناس اعرفهم فيهم نفس الاعراض وتشافوا عقب ما راح اللتهاب اللي فيهم وبأذكر لك ثلاث حالات علشان ما اطيل عليك .

1- فيه شخص جاه فجأة دوخه ثم ضيق بالتنفس الى درجة انه يروح للمستشفى ويطلعونه يقولون ما فيك شي صارت تجيه دوخه الم بالقلب والبطن الى درجة انه يقولي هو والله اني اكتب وصيتي ابفارق اهلي وكل شوي وسواس الموت من شدة الالم المهم هداه الله وقال ليه ما أخذ منظار للمعده والقولون بما أن جميع الفحوصات سليمة يوم فحص تدري وش طلع فيها اللتهابات وتقرحات في المعده والامعاء عنده المهم قال الدكتور شف اذا استمريت على اكلك كذا راح تموت قال طيب وش اسوي قال لازم مع العلاج تاخذ حمية أي شي تحس انه يتعبك اتركه وحاول تاكل الشي اللي يقوي المعده وجلس سنه كامله تخيل مع العزيمة يقول والله اني اكل العلاج وملتزم بحمية غذائية واطلب ربي يعافيني وتشافى والحين اقسم لك بالله ما فيه الا العافيه .

2- وفيه واحد اكل مجرد وجبه على طول قلبت حياته فوق تحت جته نفس الاعراض يقول كنت احسبه الموت الى درجة انها كل شوي يدخل المستشفى ياخذ مغذي من نقص وزنه وجاه اكتآب وسواس وخوف وصار بالبيت ما يطلع المهم الله كتب له الشفاء توجه لدكتور وعلى طول قال له نفس كلام الدكتور الاول شف لازم مع العلاج حمية غذائية وتحرص على الاشياء اللي تقوي جدار المعده والقولون عندك والرجل جلس بعد سنه كامله وبعدها عافاه الله والان رجع طبيعي ما فيه أي شي والاعراض اللي كان يشعر فيها راحت عقب ما تم شفاءه .

3- وفيه واحد يقول جاني الم بالصدر فجأءة ونغزات بالقلب وحرارة باليد يقول كل يوم جايني عرض يقول ما كنت احس بالم بالبطن والقولون يقول لدرجة قلت انا فيني قلب المهم فحص بالقلب ما طلع فيه شي قال خلا ص لازم اشيك على كل شي طلع كل شي سليم وزاد اللم عليه وبدت الاعراض تزيد خوف الم بالظهر قال خلاص الموت هذا اكيد وسبحان الله هداه الله قال ليه ما شوف المعده والقولون وقام وفحصهم وطلع عنده اللتهاب ونفس الكلام الدكاتره الاولين قال لازم علاج وحمية وجلس سنه كامله وشفاه الله وراحت الاعراض كلها منه .

أخوي غريب نستفيد من القصص الثلاثه أنهم كلهم كان عندهم توكل على الله مع عزيمة مع علاج مع حمية غذائية وبالنهاية الشفاء وللعلم اللتهاب تراه ما يحس فيه الشخص الا اذا زاد الاعراض عنده كل شوي يحس بعرض جديد مره دوخه ومره كتمة نغزات خفقان بالقلب وووواواووواواواو الـــخ
واللتهاب المعده والقولون ماهو بسط بالدرجة اللي انت تصورها لو انه بسيط ما كان اللي يموت من بطنه شهيد بالجنه يعني المفروض على الواحد يصبر ويلتزم بالعلاج مع الحمية وقبلهم التوكل على الله لأنه هو اللي مقدر الشي هذا للأنسان .

وأخيراً

احترم وجة نظرك بس اخوي غريب الهواء أنا لا حظت صراحه بالمنتدى هذا أن الناس أنواع اسمح لي اتكلم عن الناس هذي

- فيه ناس ما تدري وش اللي فيها مرض جسدي أو نفسي وكانت ما تدري أن عندها مشكلة بالمعده والقولون ولا درت أن اللتهاب والقرحة بالمعده والقولون تسبب الاعراض الدوخة والم القلب ونغزات القلب ورهاب وسواس الموت هلع اكتآب الم باليد اليسار الم بمنتصف الظهر عدم القدره على المشي ضيق تنفس كتمة خفقان بالقلب واواواوالــــخ.

وإذا خبرتهم قالوا جزاك الله خير حنا سوينا جميع الفحوصات الا الفحص هذا ويوم فحصوا وتأكدوا من كلامي توجهوا للدكتور وصرف لهم العلاج واتبعوا مع العلاج حميه غذائية وتشافوا .

- وفيه ناس تدري أن المشكلة اللي هم عايشين فيه بسبب اللتهاب المعده والقولون ولا تدري أن اللتهاب هذا هو اللي مسبب لهم الدوخه والاكتآب والهلع وسواس الموت بس الى الآن ما هي مقتنعه ان اللتهاب هو اللي يسبب لها الشي هذا و تكابر وتلعب على نفسها تقول مو من اللتهاب هذا مرض نفسي ولو يسألون أي واحد عنده اللتهاب معده او قولون راح يلاحظون ان الاعراض فيه وهذا يدل على أنه من اللتهاب لكن ماودها تروح تعالج و تقعد تعلب على نفسها تقول اللي فيها مرض نفسي صدقوا كلام الدكاتره .

- فيه ناس فيهم صفة الحسد الله لا يجعلنا منهم تكذب الشخص لو انه صادق ما ودها أن الناس تشافى لأنهم هم استخدموا علاجات نفسية وتأثروا منها وتبي الناس يصيرون مثلهم ويقعدون يكذون الشخص علشان يضللون الناس حسبي الله عليهم ونعم الوكيل .

- وفيه ناس حتى كلمة جزاك الله خير ما نسمعها منهم لكن أنا ما انتظر الاجر منهم ابيه من الله .

- وفيه ناس اذا كتبت الموضوع تقرأ اخر سطر من الموضوع وتقول طيب وش العلاج وهو اصلاً مكتوب بالموضوع نفسه غير أن الواحد اذا عرف مشكلته يعتبر نصف العلاج .

- وفيه ناس تبي العلاج بيوم وليلة خلاص اليوم اكل العلاج بكره لازم اطيب .

اللهم ما عملته من عمل يرضيك فجعله خالصاً لوجهك .