اخوي منتضر الفرحة
انت بكلامك تقول الله يلعن الحياة انت تسب الله الله يهديك كذا استغفر الله

اسمع كلامي زين

عن أبي هريرة أن النبي صلى الله عليه وسلم قال: لا تسبوا الدهر فإن الله هو الدهر.

أن العرب كان شأنها أن تسب الدهر عند النوازل والحوادث والمصائب النازلة بها من موت أو هرم أو تلف مال أو غير ذلك فيقولون يا خيبة الدهر ونحو هذا من ألفاظ سب الدهر، فقال النبي صلى الله عليه وسلم لا تسبوا الدهر فان الله هو الدهر أي لا تسبوا فاعل النوازل فإنكم إذا سببتم فاعلها وقع السب على الله تعالى؛ لأنه هو فاعلها ومنزلها. وأما الدهر الذي هو الزمان فلا فعل له بل هو مخلوق من جملة خلق الله تعالى. ومعنى فإن الله هو الدهر أي فاعل النوازل والحوادث وخالق الكائنات.

يااخي منتضر الفرحة الدنيا سجن المؤمن وجنة الكافر هذا الشي الأول
انت ابرك من الأنبياء كلهم تعرضوا لشي اصعب من اللي تعرضت له طيب لو ابقولك تصير مثل النبي ايوب جلس ما يتحرك وتقشر جلدة وطاح شعرة ولا يقدر يتحرك 18 سنه وتخلوا عنه اهله الا حرمته ليه ما اعترض وهو يدري ان رب العالمين خالقه وقال انا نبي المفروض ما تعذبني لأنه داري ان الله ابتلاه بالشي هذا من محبة له ويبي يختبره على صبره وفعلاً دعى رب وكشف عنه الضر .

الشي الثاني :
ياخي الله سبحانه وتعالى ما خلق الدنيا هذي الا يبي يختبر عبادة وابليس اخر واحد يموت بالدنيا ثم ملك الموت نفسه يعني ابليس يبي يقعد لك مترصد لك يبيك تكفر وتقول مثل الكلام اللي انت قلت يعني يبيك تخسر الدنيا والآخره .
شف ابليس اللي كافرين بالله ما فيهم امراض عادي وعلى طول ما يحتاج يوسوس فيهم بالنار وابليس ما له شغل فيهم هو يبي اللي مثلك ومثلنا متعلقين بالله لأنه هو حاقد ويبي يغوي ابناء ادم والاية انت تعرفها .
وانت تقول ليه الله ابتلاني بمرض لأن فيه شي انت مسويه غلط وطايع ابليس فيه عندك تقصير في العبادة شف نفسك والله يحبك وبلاك علشان ترجع له اتوقع والله دعوة امك او ابوك لك والا انت الله المستعان لذلك الله راح يبلاك وصدقني لو انك طايع ربك بعد راح يبلاك علشان تزيد رفعك عنده بالاخره .

الشي الثالث :
يتبادر في ذهنك تقول ليه انا منا بمثل غيري ناس يطيعون الله محصلين الدنيا والاخرة وراح اجاوب على سؤالك .
طيب الرسل بالله عليك حصلوا الدنيا طبعا لا لكن منزلتهم بالاخره افضل مليون بالمره من الدنيا .
وأنا لو ابخيرك واقولك تبي تعيش مبسوط بالدنيا ومبسوط بالآخره او تبي تعيش يجيك ابتلاء من الله وراح تحصل شي بالاخره ماحصلوا اللي مستانسين بالدنيا والاخر .
أكيد راح تقول ابغى الآخره لأنها ما فيها موت .
لذلك اخوي اعرف ان المرض اللي فيك هذا اجر لك وانت اكيد انك مقصر بحق رب العالمين والله يبلاك يبي يرجعك له وحاول تسعى تعالج نفسك وتخلص عبادك لله وبأذن الله راح تلقى العلاج واعرف كل ما طال المرض كل شي بأجره .
ومثل ما قلت لك رح وسو الكلام اللي قلت لك عليه وبأذن الله راح يشفيك رب العالمين .