زهراني حزين;1057748اخوي ربي يحبك صراحة حسستني انك تسوي تسويق لعيادات الباطنية والمناظير ومانقول الا الله ينور بصايرنا وبصايرك..

اخوي زهراني حزين تدري وش اللي يضيق صدري الجهل يقتل احيانا ً
و يجيني احد مثلك ويقول الكلام هذا اني قاعد اسوق ياخي ما تخاف الله في نفسك انا قلت لك اني فاتح عيادة وقاعد اسوق لنفسي اقول تعالوا عندي اخذ عليكم منظار ويمكن انك تقول اني اسوق علشان اختي بكرا احلى قالت لخوي منتضر الفرحة فيه الدكتور العنزي ممتاز وقلت انا لها لا فيه ناس ا زين ومذكورين في الرياض بما انك في الرياض رايحين لهم ناس ويمدحونهم لأني اعرف أنا شخصيا ًاللي راحوا لهم ناس يخافون الله ولا يقولون الا الصحيح قال واحد فيهم والله اني يوم رحت للعنزي اني قاعد اني تعذبت من طريقة اخذه المنظار يده ما تصلح الا على ساطور يقطع لحم والثاني يقولي رحت للمفرح يقول والله انه رجال محترم ويده خفيفه والثالث يقول رحت للحربش ويقول صحيح انسان يطقها بالوجه اذا كان فيك شي ما يهمه احد بس تشخيصه مليون بالميه صحيح يعلمك لك علاج او ما لك وهذا اللي يكره الناس فيه .
يعني يوم قلت للرجال الكلام هذا اعلمه عن الناس اللي ذكروها لي خلاص اسوق للدكاتره ؟؟؟؟؟ ياخي اتقي دعوة المظلوم تظن اني قاعد اسوق ياخي خلاص اذا كان يعرف اي واحد مشهور يروح لمه بس انا حبيت اذكر له اللي قالوا لي الناس عنه وقال الرسول عليه الصلاة والسلام من حلف له بالله فل يرضى اقسم بالله العلي العظيم ان ما لي علاقة لا بالمفرح ولا الحربش لا من قريب ولا من بعيد تجي تتهمني ياخي خلاص اذا كنت تشك في كلامي لا تاخذ به ؟؟؟

الله لا يجعل الدنيا اكبر همنا والله لو اخير بعافية وغنى وعبادة رب العالمين او بعافية وميسور الحال وعبادة رب العالمين لا اختار ميسور الحال اللهم لا غنى يطغي ولا فقر يلهي ياخي الدنيا وش انا محصل من وراها تقولي الكلام هذا الله يجعل ما سويته خالص لوجهه وشف والله ما ودي اتحسب تدري ليه لأن كل كلمه قلتها عني ادري رب العالمين راح يكتب لي بها اجر .


وبالنسبة لكلامي هذا ماهو وجهة نظر على قولتك كلامي الي تكلمته هو كلام علمي وموثق يعني ماجبتلك شي من راسي
تحليل البراز يستطيع ان يكشف قرحة المعدة وقرحة القولون وقرحة الاثني عشر بنسبة عالية جدا تصل الى 90% وانا باشرحلك كيف يتم كشف قرحة المعدة والاثني عشر من خلال تحليل البراز..
فعندما ياخذ المختبر عينة من براز المصاب بالقرحة يكون في البراز نسبة دم بسبب وجود التقرحات في المعدة فعندما تقوم المعدة بهضم الطعام يختلط الدم الموجود في المعدة مع الطعام الموجود بداخلها جراء القرحة ويخرج ايضا بعض القشور الموجودة في جدار المعدة مع البراز ويظهر بشكل واضح وجلي وجود تقرحات في جدار المعدة

اقول والله ما تدري وش السالفه الله يصلحنا وياك وكل مسلم اجل اللي فيه بواسير ويطلع منه دم مع البراز اقول عنده قرحة ؟؟؟؟؟؟؟؟؟؟؟ الله يهديك
والا اللي يجي اعزكم الله البراز عنده ما يل للسواد وفيه دم اقول عندك قرحة في المكان الفلاني وتقول الواحد يقدر يحدد مكان القرحه او اللتهابات عن طريق البراز ما شاء الله طلع البراز جهاز قارمن يحدد مكان التقرحات او اللتهابات ؟؟؟؟؟؟!!!. اجل على كلامك وين راحت قشور الامعاء والقولون أول مره اسمع بالكلام هذا ؟؟؟!! قل مخاط يمكن بعد ما يطلع المخاط في المعده يطلع في الامعاء والقولون فقط ولا يقدر الواحد يحدد هل هو اللتهاب او تقرحات .
اخوي خروج الدم مع البراز فيه احتمالات تكون بواسير داخليه أو ناسور أو تقرحات او اللتهابات مزمنه لكن التقرحات أو اللتهابات مزمنه ما تقدر تحدد مكانها و شدتها الا عن طريق المنظار هل تحتاج لعملية او لعلاج .
وبعد بالله عليك اذا كان عند الواحد تقرحات يمكن الشخص يحتاج لعملية علشان يعالجها تحتاج لكي التقرحات شديده عنده وانت تبي تعرف عن طريق البراز ؟؟؟؟؟؟ والله كلامي علمي !!!!!
وايضا اذا كان في الواحد فيه اللتهابات تبي تعرف هل هي مزمنه او عاديه يحتاج علاج بسيط يكفي ويطيب تبي تعرف عن طريق البراز ؟؟؟ والله كلام علمي !!!

وايضا ً سمعتك تقول لأختي بكرا احلى تقول لها
وبالنسبة للحمية انتي اول شي لازم تتاكدين وش عندك بالضبط لان الحمية وقت الداء شفاء ووقت الشفاء داء وحرارة المعدة عندك اكل السفرجل عجيب النفع منها وايضا الخيار واليقطين (نسميه الشمام او الخربز عندنا بالعامية) يسكن حرارة المعدة والتهابها بشكل فعال وحاولي تبتعدين عن المقليات والسكر بقدر الامكان

لا والله فعلاً اثبت عندك سالفه ما شاء الله عليك تعرف تفرق بين الخربز والشمام واليقطين وش العلم هذا منين جايبه ؟؟؟؟؟؟؟

الخربز :
شكله كروي دائري اكثر لونه مائل الى اللون البرتقالي الفاتح قشره يكون خشنا ورائحته جميلة وطعمه ما فيه سكر وطرية من الداخل وهذا يصلح للي عنده اللتهابات او تقرحات بالمعده والامعاء والقولون .

الشمام cantaloupe :
مشهور اكثر وشكله بيضاوي وهو انواع قشرته ناعمه وقد يكون فيها خطوط بسيطة طولية ومن الداخل صفراء او بيضاء وفيها سكر وقاسية وما تصلح للي عنده اللتهابات او تقرحات بالمعده والامعاء والقولون .
واليقطين :
الله يصلحك هو القرع هذا اللي يصلح للمعده ولا هو اي قرع القرع البلدي اللي من ديرك ما هو الامريكي .

لا وتقول ان عندك سالفه ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!


وهنا سوف اذكر لك اعراض قرحة المعدة بشكل تفصيلي:
*اذا كانت القرحة في رأس أو فم المعدة (أي المنطقة العليا من المعدة) يشعر المريض بألم شديد في معدته ورغبة شديدة في التقيؤ خاصة بعد تناول الطعام بشكل مباشر خاصة اذا كان الطعام المأكول يحتوي على نسبة عالية من الدهنيات او البهرات الحريفة .

*اذا كانت القرحة موجودة في اسفل المعدة وفي الاثني عشر فتكون اعراض التقرحات هي الشعور بألم شديد اسفل المعدة وفوق الصرة قليل ويهيج الألم بعد تناول الطعام بثلاث الى ست ساعات ويسكن الالم اذا امتلأت معدة المريض بالطعام .. واذا كان الطعام حارا حريفا او دهنيا فان الالم يشتد اكثر كلما فرغت المعدة من الطعام

الحمد لله على نعمة الاسلام وش العلم هذا تبي الجد الحمد لله انك ما انت دكتور كان اعدمت العالم بكلامك
الله يصلحك اول شي اذا اكل الشخص وتأثر من اي اكل على طول هذي تكون اللتهاب او تقرحات في المعده لا انا ولا انت نقدر نحدده المنظار هو اللي يحدد واذا تأثر بعد الاكل بساعات يكون اللتهابات او تقرحات في الامعاء وللعلم يمكن فيه حاجه تبين ان فيك قرحة اللي هي تقومك من الليل اذا فضى بطنك راح تحس بالالم ولا هو اكيد لأن اللتهابات المزمنه قريبة من القرحة و التحديد الدقيق هل هي قرحة او اللتهابات بالمنظار وغير المنظار يستحيل .





*واما اعراض التهاب المعدة فتكون على هيأة الشعور بالحرقة في المعدة والانتفاخ وخاصة بعد تناول الاكل الحريف مباشرة او اذا فرغت المعدة من الطعام فيشعر المريض بحرقة في العدة وربما الم خفيف..

ياحبيبي الحرقة بالمعده والانتفاخ هذا دليل على ان عندك زيادة في حمض المعده وعلشان كذا يصروفون لك الاطباء مخفف حموضة مثل الزنتاك وغيره وإذا ابعدت عن الحمضيات مثل البرتقال والشاي والقهوة والخمائر مثل الفطائر وغيرها راح منك الحرقان .

وبعدين لا تقولني مالم اقل فأنا لم اقل ان جرثومة المعدة تكشف عن طريق تحليل البراز فانا قلت تحليل البراز يكشف فقط عن الاصابة بالفطريات المعوية والقروح والالتهابات فقط لا غير

تبي الجد عساك ما قلت ان جرثومة المعده يكشف عليها عن طريق البراز تدري ليه اثبت ان العلم عندك في جهه وانت في جهة لمعلوميك جرثومة المعده تقدر تفحصها عن طريق اربع طرق النفخ والدم والبراز والمنظار ياخذون عينه ولا افضل ياخذون عينه توجع انا افضل الـــــــــــدم او البراز فقط .


اللهم اجعل ما عملته من عمل يرضك خالصاً لوجك الكريم وقني عذاب النار.


ولك فائق التحية والتقدير
أسال الله انه يشفيني ويشفيك ويشفي كل مسلم اللهم آمين ،،،[/COLOR]