نفساني - عرض مشاركة واحدة

28-03-2015, 04:45 PM

أخوي محمد
اقسم لك بالله العظيم أني اشعر بكل كلمه تكتبها وأني ابكي حاس فيك وأدري وش يدور بخاطرك تقول يا ليت الزمن يرجع ولا صار فيني اللي صار زود على المرض هم وغير الشيء هذا ما اقدر اتزوج كيف ابعيش ياربي كيف تبي تكون حياتي الحين امي اللي المفروض أني اقوم فيها هي اللي تقوم فيني امي اللي المفروض اواسيها هي اللي الحين تواسيني ياربي تعبت ياربي اكشف عني البلاء يارب ادري فيه ناس اعظم مني لكن أنا ياربي تعبت من الوضع اللي انا فيه ياربي اعاهدك أني لا اغير مسار حياتي كلها في طاعك بس افرج لي ياربي الناس ما تشعر باللي فيني ياربي اهرب من اللي فيني بالنوم ابنسى الواقع اللي انا عايش فيه ياربي اشفني ودي اتلذذ بعبادك وانا متعافي ياربي اللي كبري تزوج واخاف اذا تزوجت اهلي يبون مني شيء وما اقدر اسويه ياربي والله الهم ملاحقني في كل مكان ما اقدر اواجه الناس وانا قبل كنت عكس اللي انا فيه الحين وما اقدر اطلع من البيت من الاكتئاب اللي محيطني في كل جهه الحياة يا ربي ما لها طعم ولا صبرني يا ربي الا انك وعدت عبدك الصبور بالفرج .

وفي خاطرك اخوي محمد كلام اكثر من كذا وبودك تعرف ليه حصل لك الامر اللي انت فيه ، اخوي محمد قل آمين الله يجعل ما جاك تكفير لذنبك سبب اللي جاك وأنا اخوك لأن بك الطيبه الزااااااااايده وحسن الظن اللي ما هو في محله تركت خدمة اهلك وفضلت خدمة اخوياك اللي والله ثم والله ما فيهم واحد الحين صار اقل شيء يجي يزورك أو يواسيك أو يشوف اخبارك خلاص المصلحه انتهت وراح اقولك حاجه اخوي محمد تدري وش سبب المشكله اللي فيك أنت جايك عين ومن عدو لأن الطعنه اللي انت ذكرت جك من الخلف وحسيت بحرارتها وتراها سببت لك قرحه في المعده وآثارها بقت معك إلى يومك اخوي محمد أنا ما اتكلم من فراغ يعلم الله أن اللي جك عين عدو لأنه ما يطعن من الخلف الا العدو أما لو انها جايك من قدام كان قلت لك هذي من قريب لكن فيه شخص دايم تطري على باله في ذاك الوقت اخوي محمد تدري إن العين تحرول الرجال وتجدعه من حيله وإذا لا قدر الله الوحد ما بادرها بالقرآن تذبح الشخص شف حديث الرسول الله صلى الله عليه وسلم: العين تدخل الرجل القبر، وتدخل الجمل القدر.

أخوي محمد بالنسبة لباقي الامراض اللي جك مثل ارتفاع الهرمون عندك واحتكاك الرقبه وغيره هذي بسبب الحبوب النفسية والا انت يوم ينقص وزنك لأن القرحة شديده بالحيل عندك لا وزود على شدتها جاية من عين هي اللي خلت جسمك يفقد كل العناصر اللي في جسمك وينقص وزنك وما دام القرحه فيه راح يستمر وضعك كذا لذلك اخوي محمد رب العالمين يقول اسعى يا عبدي وأن اسعى معك لازم انت تفكر وتقول كيف اتخلص من المشكله هذي لأن ما يحس بالنار الا اللي واطيها الدكتور ماعنده الا كتب ويطبق عليك وأنت مشكلك الاساسية هي القرحه والعين إذا انحلت هذي بإذن اللي ما تنام عينه راح ترجع زي ما كنت وافضل وللمره المليون القرحه هي اللي تلعب في جسمك وتنقص عناصر جسمك غير الهرمونات اللي راح يصير فيها نقص والعين هي اللي مخليه وضعك على كذا أسال الله انه يكشف عنك البلاء عاجل غير آجل أخوي محمد بودي تسأل نفسك بالله عليك فيك شيء من خرابيط الدكاتره اللي يلعبون على الواحد ويقولون فيك كذا وفيك كذا تبي احلف أن عقلك يازن بلد حلفت ادري راح تقول طيب ليه الى الآن حل المشكلة بيدك بعد الله .

أخوي محمد يعلم أني ما كتبت الشيء هذا الا لإني احبك في الله هذا الشيء الأول ولا تحسب اني يوم اني ما اشارك معكم قصور فيكم لا والله بس ابغى الكل يفكر بعقله ما يفكر بعقل غيره يعني يتقصى اسباب مشكلته من البداية وراح يعرف وش سبب مشكلته ومثل ما قلت لك علمتك اللي فيك .
الشيء الثاني راح اقولك أشياء بإذن الله راح تفيدك بس أبغاك تكلمني وبما إن ادارة المنتدى تعتبرك الابن المحبوب لها وتستاهل كل خير ارسلي جوالك وانا ادق عليك يا امير حرب وشف كاني اخطيت عليك في كلمه لك آسف وحقك على راسي اتمنى أخوي الغالي تشوف المقاطع

http://cdn.top4top.net/d_2eb8a نقرتين لعرض الصورة في صفحة مستقلة

8a

.mp4

http://cdn.top4top.net/d_0047 نقرتين لعرض الصورة في صفحة مستقلة

73

2.mp4

أسال الله العظيم رب العرش الكريم أنه يشفيني ويشفيك ويشفي كل مسلم اللهم آمين