نفساني - عرض مشاركة واحدة - زواج السعوديه من غير السعودي ( الأجنبي ).

19-05-2015, 10:24 PM

اقتباس:

المشاركة الأصلية كتبت بواسطة لحظه تفائل

طيب اعملي عقد عند شيخ وخلي ابوكي يحط شروط عشان يرتاح
ولما تجيكي الموافقه باذن الله يكون هو زوجك شرعا تسافري معاه عادي وتعقدي قانونيا
وحده من البنات كانت مشكلتها زيك ابوها خايف عليها اتصلت علي شيخ وقال لها طيب اعملو عقد وخلى ابوكي يحط الشروط اللي هو يبغاها عشان يرتاح ويتطمن
وسبحان الله حاولت في ابوها واقنعته والحمدله عقدت شرعي وباذن الله حتسافر مع زوجها وتعقد بالسفاره
عقبالك حبيبتيESWVG

ابوي صعب جدا وما اظن يتقبل شي زي كذا :(
خليها على ربنا بس وان شاء الله تتسهل

اقتباس:

المشاركة الأصلية كتبت بواسطة هويام

ياربي يعينك سارونه 😟

امين اجمعين حبيبتي

اقتباس:

المشاركة الأصلية كتبت بواسطة بطه

لك الحمد والشكر يالله لك الحمد حتى ترضى
ضاقت فلما استحكمت حلقاتها فرجت
الحمدلله الحمدلله الحمدلله وما شاء الله
تم صدور معاملتي الى المحكمه اليوم.

ما شاء الله الف مبروووووك ربنا يتمم لكم على خير

اقتباس:

المشاركة الأصلية كتبت بواسطة القطوه

حبيت اذكركم بشيء ان اعظم عمل للشيطان ان يفرق بين المرء وزوجه لذلك حبيت اقدم نصيحه لكل مخطوبين / متزوجين قبل ماتتكلموا او تتفاهموا على شي او تقعدوا مع بعض دايماً ادعو بهذي الآيه حتى ما يفرق بينكم الشيطان (رَبِّ أَعُوذُ بِكَ مِنْ هَمَزَاتِ الشَّيَاطِينِ* وَأَعُوذُ بِكَ رَبِّ أَنْ يَحْضُرُونِ)

الله يبارك لكل المتزوجين ويبارك عليهم ويجمع بينهم بخير، ويرزق من لم يتزوج بأن يكمل نصف دينه بالزوج / الزوجه الصالحه ان شاءالله...

جزاك الله خير

اقتباس:

المشاركة الأصلية كتبت بواسطة حكايه

ساره ياقلبي طمنيني ايش صار ع موضوعك

يارب يسر امري

تركي القيسي

ديدو

عزيز

هندسه

طمنونا ايش صار معاكم ع معاملاتكم
يارب تكون اتسهلت معاكم

الحمدلله ماشية لساتها في المحافظة
دعواتك يا قمر تتسهل وتتعجل

اقتباس:

المشاركة الأصلية كتبت بواسطة هويام

🌛🌛غدا اول ايام شهر شعبان 🌛🌛

🌹اللهم بارك لنا في شعبان وبلغنا رمضان 🌹

🌷 اللهم بلغنا شهرك الكريم ونحن ننعم بالصحه والعافيه 🌷

🌻 اللهم ارحم نفوسا كانت تتشوق لصوم رمضان وقد اصبحت تحت الثرى 🌻

🍀 اللهم برد عليهم قبورهم وافتح لهم ابواب تهب منها نسائم الجنه 🍀

🔮اللهم امين يارب العالمين 🔮

🍓 اللهم بلغنا رمضان لافاقدين ولا مفقودين 🍓

🌙 كل عام وانتم بخير وصحه وسلامه 🌙

اللهم امين
وانت بصحة وسلامة يا رب

اقتباس:

المشاركة الأصلية كتبت بواسطة هيندا

مساء الخير عليكم جميعا انا عضوة جديدة .. الحمدالله والله بدور على دا الموضوع في المنتديات من قبل 6 شهور ودوبي الحمدلله لقيت المنتدى الجميل دا ...

اتا قريت شوية ماشاءالله ماني قادره الحق المشاركات الأخوات كثيرة ...

الاخت ولاء مبتعثه الله يفتحها عليكي كرما لا امرا محتاجة تجربتك كاملة بالتفصيل الممل انا قريت مشاركتك بالشروط الي طلبوها ابغى اعرف الي بعد كدا .. والاخت لحظة تفائل فتحت موضوع يخصنا للي هيرتبطو من الخارج. .

انا سعودية من المدينة الزواج من الخارج اجنبي بريطاني
هل احتاج لوجوده في السعودية لكي اقدم المعاملة في الاماره
انا غير موظفه .. ماهي الطلبات من خطيبي هل فقط احضر صورة من جواز سفره ؟ وهل لازم يوثقها من السفارة قبل مايرسلها لي صورة جواز السفر وشهادة اسلمه ؟ او انه خلاص يرسلي الصور على طول ؟

اخواتي الي حالتها مثلي تنورني وتقولي بالتفصيل الممل ...

لا حبيبتي ما تحتاجي وجوده في السعودية بس لو يقدر يجي ويجلس بشكل قانوني طبعا افضل واسهل
انا خطيبي عربي غير مقيم
بس من كلام الاخت ولاء ارفقي صورة جوازه وشهادة اسلامه بالاضافة لخطاب طلب الزواج موضحة فيه كل شي عنك وعنه
من ناحية الجنسية والعمر والحالة الاجتماعية والصحية يعني لو فيه مشكلة عندك يفضل تذكريها
وعدم ممانعتك وممانعة ولي امرك لهذا الزواج
في الخطاب لا تذكري اشياء مثل انك موظفة وراتبك كذا كذا او انك مبتعثة او لو عمرك صغير يعني اقل من 25
لو عمرك 30 وفوق اذكري هالشي لو مطلقة او ارملة اذكري هالشي لو تعاني من مرض او علة معينة لا سمح الله برضه اذكريه
وكمان صورة من هويتك وصورة من كرت العائلة وصورة من صك الطلاق لو مطلقة او ارملة
ولو تقدري تروحوا لعمدة الحي تطلبي ورقة موافقة ولي الامر اتوقع الاخت ولاء ذكرت هالورقة
لو ترجعي لكم صفحة ورا حتلاقي تجربة الاخت ولاء وكاتبة اش الاوراق بالضبط

بعدين تاخذي كل هالاوراق وتحطيها في ملف اخضر علاقي وتقدمي يا اما عن طريق الامارة او الداخلية
حتجلس فترة عندهم وتتحول للشرطة
الشرطة حيطلبوا منك اوراق تخصك انتي فقط وهي مشهد من العمدة بانك ربة منزل او من شغلك بانك موظفة
وكمان ورقة تحاليل وهما حيبلغوك وين تعمليها وبرنت من الاحوال المدنية
لو رحتي الاحوال والبرنت مكتوب فيه انك طالبة خذي اثنين شهود وغيري الحالة لربة منزل الموضوع سهالات وانا غيرت حالتي في احوال المدينة عندكم
لما تكتمل عندك هالاوراق حتاخذيها للشرطة تاني وحتجلس المعاملة عندهم شهرين او اقل باذن الله
لو الامور تمام ان شاء الله حتروح معاملتك للمحافظة ثم الامارة ثم الداخلية ثم الخارجية ثم السفارة
في السفارة حيطلبوا من خطيبك التحاليل وباقي الاوراق المطلوبة والله اعلم اش هيا
بس اتوقع حتكون تحاليل وشهادة اسلامه ولغته على ما اتوقع وبحث جنائي عنه وممكن اثبات بحالته الاجتماعية وممكن اثبات سكن وعمل وشغلات زي كذا
مثل ما ذكذت انا خطيبي عربي غير مقيم وقدمت في الداخلية وجلست شهرين ثم تحولت للامارة وجلست اسبوع ثم تحولت للشرطة وجلست شهر ونص والان في المحافظة ورح ابلغكم اي شي يستجد معاي باذن الله

اقتباس:

المشاركة الأصلية كتبت بواسطة حسن الظن

الحمد لله الذي بنعمته تتم الصالحات
صدرت معاملتي للمحكمة العامه بالطايف
جزا الله الجميع خير الجزاء
ويسر الله امركم اجمعين

ما شاء الله الف الف مبروك الله يسعدكم ويوفقكم

اقتباس:

المشاركة الأصلية كتبت بواسطة فرح خالد

لوسمحتي انسة قمر ايش سويتي وقت حفظوا المعاملة سويتي وحدة جديدة لاني بصراحة انا مضطرة اسافر انا اتعالج خارج المملكة ومتربطة بمواعيد مستشفى في دولة ثانية والمشكلة اني ما جبت طاري العلاج في المعاملة

انا اول معاملة ليا انحفظت في الشرطة بسبب سفري خارج المملكة
وطبعا مو مجرد ما تسافروا تنحفظ لالا
حسب المدة يعني لو كانت في الشرطة وفي وقت البحث الجنائي وشافوا انك خارج المملكة ينتظروا وينتظروا بس لو كمل شهر وانتي برا حتنحفظ - وراعوا يا بنات اختلاف المناطق والمعاملات نفسها يعني ممكن الشي الي حصل معاي ما يحصل معاكي
استنتجت هالشي لانه معاملتي جلست ست اشهر عندهم ثم انحفظت والشرطي قال للوالد سبب الحفظ انها خارج المملكة وما قدرنا نعمل بحث عنها يعني اتوقع يفضل تكوني في المملكة وقت الشرطة
طبعا تقدري ترجعي وتطلبي ترجعيها من الحفظ ما ادري اش مسمى هالخطوة
بس تروحي لقسم النساء وتكون عندك كل معلومات معاملتك من حيث رقم وتاريخ وتقوليلهم ابغى اكمل معاملتي لانها حفظت بسبب السفر وبعد اسبوع حيطلعوها لكي وتكمليها وطبعا حيطلبوا منك الطلبات بس بتواريخ حديثة
انا ما شاء الله مجربة كل شي ههههه
الحين قبل شهرين سالتني موظفة الشرطة ليش ما كملتي على معاملتك القديمة قلت لها انحفظت بسبب سفري وخلاص بديت وحدة جديدة بس قدمت عن طريق الداخلية مو الامارة
قالت لي هذا سابقا بس حاليا مافي معاملات تنحفظ بسبب السفر والله اعلم

شي كمان بالنسبة للي سالت عن محتوى الاوراق الي نوقعها في الشرطة
انا الصراحة مو فاكرتها تماما
بس كلها تعدات وتوعدات هههه
مثلا انك موافقة واهلك موافقين وان الدولة ما تعطي اقامة للزوج بمجرد الزواج اكيد ذاكرين هالنقطة عشان ما نستسهل الموضوع بس البنات هنا اكدولي اني ممكن اقدمله بعد الزواج
وانك منتي من الفئات الممنوعة من الزواج من الخارج
مع العلم انه قبل سنتين في تعهد وقعت عليه اني ما اكون مبتعثة
بس هالسنة هالنقطة مو موجودة
وانك جبتي اوراق ومعلومات صحيحة ومنتي مزورة شي
كل الاوراق الي حتوقعي عليها متشابهة

[QUOTE=احلام انثى;1071933]

اقتباس:

المشاركة الأصلية كتبت بواسطة هويام

المشكلة راح خطيبي المحافظة امس وقالوله تعال بكرة وجسب اتنين شهود ووالدها واليوم رحنا كلنا ووقعو على اوراق فقسم الرجال وانا جيت انتظرت فقسم النساء ولا طلبو مني شي وشفت النت مكتوب اجراء شعب وماعرف ايش معنى دا الشي طيب لو في شي ناقص ليش ماقالو للوالد والعريس طلباتهم الله يصلحهم

ان شاء الله خير حبيبتي
انا الصراحة صح احب اسال هنا واشوف التجارب واطمن بس دائما خلي ببالك انه هنا مافي سير معاملات ثابت
وكل معاملة لها شي
افضل شي تسالوا في المحافظة وان شاء الله ما يكون ناقص شي وتكون دائرة وتمر عليها وتطلع منها بخير وسلام