المشاركة الأصلية كتبت بواسطة ولاء مبتعثه

اهلًا الله ثقتي ، في السفارة ما طلبوا ولي امري
وكمان المحكمة انت انسانه بالغه لا تحتاجي ولي أمر هنا في البلاد ألغربيه و تقدري تزوجي نفسك زواج مدني .
هنا في كندا اتصلت على السفارة و رحت لهم أعطوني ورقه الطلبات زي ما ذكرت في ردي على ساره و كان من ضمنها عقد زواج مصدق من الخارجيه الكنديه
علشان نحصل على العقد رحنا للبلديه تبع المدينة و أخدنا ترخيص زواج وكان في عده انواع
مدني و هو بس توقعي عليه انت و خطيبك و خلاص
وفي الديني تروحي لإمام مرخص من الحكومه و يعقد لك عقد إسلامي زي اللي في السعوديه
هذه الرخصه بعدين تترسل للبلديه يصدقوها لك و هي دي المرحلة اللي انا فيها تاخد 3 أشهر
بعدها تاخذي الشهاده لما تصدر و تؤديها للسفارة مع الأوراق التانيه وان شاءالله اعطيكم خبر ايش راح يصير معايا
اخويا الله يسعده جا زياره و زوجني في الزواج الديني الله يخليه

بالتوفيق عزيزتي