المشاركة الأصلية كتبت بواسطة للصبر اخر

حسبي الله ونعم الوكيل طيب ليش ؟؟ ايش سبب الرفض ؟؟؟

عموما اذا كان سبب الرفض هوا العمر فالنظام حاليا هو كالتالي :

في حال كان الولد هو الطرف السعودي يجب ان يكون العمر فوق 25 سنة وعمر البنت الغير سعودية اكبر من 18 سنة

في حال كانت البنت هي الطرف السعودي يجب ان يكون العمر فوق 21 سنة ويشترط ان يكون الولد الطرف الغير سعودي من مواليد السعودية بموجب شهادة الميلاد

بالنسبة لغير المواليد او من لا يحمل شهادة ميلاد او الزواج من الخارج تقريبا لازم يكون عمر الطرف السعودي فوق 30 سنة حسب خبرتي البسيطة

وان شاء الله الاخوان اللي عندهم فكرة في هذي الامور يفيدونا

وحاجة مهمة لازم اقلك عليها اذا انتوا من مكة او جدة قبل ماتروحوا الرياض وتتعبوا انفسكم قدموا معروض على الامير خالد الفيصل وباذن الله راح تمشي اموركم

لانه جدا متساهل في امور الزواج خصوصا اذا كان العمر هوا سبب الرفض ولازم تذكروا في المعروض انكم قدمتوا معاملتين وكلها تم رفضها لنفس السبب واكتبوا ارقام المعاملات في المعروض

اتمنى اني قدمت لك معلومة تفيدك ولو تحتاجي انتي وجميع الاعضاء اي استفسار انا حاضر

وربنا يسهل علينا وعليكم يارب

.
.
.
.
.
.
.

للصبر اخر V/A33