|
....قصيدة اعجبتني .....شاركوني قرائتها....
هذه احبتي قصيدة للشاعر الكبير الامير / خالد بن سعود الكبير ...
بعنوان (مالك الملك)...
-------------------------------
لي شفت باب الرزق يا صاح منلّك = طقه وجالد لين ربك يفكه
تراه بامر الله مع الطق ينفّك = والعزم مفتاح العقول الملكه
الله من سد منيع محبّك = ارسل عليه الحق سيل يدكه
اترك سؤال الناس للناس وانفّك = من شحذة معها تمنن وركه
ترى غناة النفس للنفس ابرّك = من منة تترك على القلب تكه
دنياك فيها باسط الرزق سلّك = ما يذل النفس تسعين سكه
اتبع رضاه وخل كثر الحكي عنّك = واحذر تجي بين المجالس مهكه
رح للكريم اللي الى راد ملّك = مال عظيم وباب فقرك يصكه
رب رحيم سابك حكمته سبك = اللي فجر زمزم لطفل بمكه
تراك لي طقيت بابه بيرزقّك = لا يلحقك في مالك الملك شكه
---------------------------------
وعارض هذه القصيدة احد الشعراء الكبار وهو (عبد الكريم التميمي )..
----------------------
الله من شيء بالاضلاع يصطك = مع هاجس لاقصى المعاليق دكه
والقلب في دنيا المتاعيس منهك = دنياه تقبل وان بغاها تصكه
واليوم يا قلب العناء قول وش بك = كانك تبي فكات ما فيه فكه
عليك بدواها الصبر لا تبلتك = دنياك . حتى لو كثر معك لكه
وان لوعتك ايامك السود واوذتك = اطلب من الله عون همك يركه
واحذر يجي بك يوم خبث وتشتك = باللي نزل وحيه بطيبه ومكه
وامش الطريق وحاذر تزل مشيتك = على دروب ابليس شركه وشكه
فيها تهنى بكل الايمان عيشتك = ولا عاد تجزعك الليال المصكه
ما دام ربك معك . واحسنت نيتك = ينساق رزقك لك . دهن بعكه
--------------------
آ مل احبتي ان تنال اعجابكم ...
وسلامي للاستاذ الدكتور / عبد الله السبيعي .
جزاه الله كل خير .. وفتحها الله له دنيا وآخره ....وفرج عنه الكرب دنيا وآخره آآآآآآمين .
المهاااااااوي .
|