نفساني - عرض مشاركة واحدة - الشك ذآبحني ' تزوجت وطلقت وادمنت على الشذوذ وتزوجت وشكلي بطلقق ' ساعدوني !!!

29-07-2015, 02:48 AM

طيب مو انت سجلت هنا عشان تبغى حل !
لازم اول شي تعرف ان اللي تسويه حرام
وان الله تعالى خسف بقوم كاملييييين وهم قوم سيدنا لوط عليه السلام لأن الرجال كانوا يأتون الرجال من دون النساء
الفطره ان الرجل يميل للمرأه والعكس
بس انت قلبت الفطره
وهذا اول خطأ ارتكبته بحق نفسك ودينك
والحمدلله انت متزوج و عندك شي تسويه بالحلال متوفر قدامك ليش تلجأ للحرام !!!!
لازم تترك الشذوذ و صح بالبدايه مارح يكون سهل
الانقطاع ما يجي فجأه , يجي بالتدريج بس لازم معاه عزيمه وإصرار على تركه
شي ثاني اللي هي الوساوس , احنا عموما هنا وساوسنا غير :)
وانت عندك وساوس شكوكيه من نوع آخر
يعني تشك ان زوجتك تكلم غيرك ووووو ....... الخ
احنا لا وساوسنا خوف قلق توتر اكتئاب أفكار سلبيه :)
المهم , الحرص زين بس مو بهذا الشكل
لأن الحرص الزايد والشك يهدم العلاقات
وما اظن في وحده ترضى ان جوالها يتفتش و طلعاتها ودخلاتها محاسبه عليها
انت ماخذ زوجه " شريكة حياه" وليس امرأه عشان تتحكم فيها وتراقبها وتشك فيها
تخيل انك مكانها !!!!
تخيل انك انسان عادي و زوجتك تشك فيك و تراقبك وتفتعل مشاكل مثلك من اتفه شي !
ما يرضيك صح !! ما تحب احد يخنقك و يشك فيك و يخليك في غير موضع الثقه
بعدين زوجتك الثانيه مارح تلقى مثلها , تدريه ليه !!
لأنها صابره عليك وتبيك تكون شخص أفضل من اللي انت عليه , مو عشان انت زوجها , لا عشان انت نفسك
ولا تنسى انها حامل وتحتاجك معاها بكل لحظه وبكل وقت لأن انت اللي خليتها تحمل فلازم تتحمل معاها وتوقف معاها بكل وقت وما تتخلى عنها
انا متأكده انها مستعده تضحي بأشياء كثيره عشانك بس انت مو حاس , شاغلتك المراقبه والشكوك
غير تفكيرك للإيجابي , انت الحين راح في طريق تكوين عائلة و لازم تكون أب و زوج ممتاز و أفضل من اللي انت عليه
اطلع شوف الناس والحياه , غير تفكيرك و لا توسوس ان كل الناس يبون لك الشر ويون يستغلونك عشان جمالك وكذا
هذا هم الممثلين وسيمين وجميلين وما وسوسوا وقالوا فلان يبيني ويبي يستغلني :)
لا تحصر تفكيرك بأمور ضيقه ما تودي ولا تجيب وبس تهدم النفس والعلاقات
ودامك تبي تتغير للأفضل اصبر وجاهد نفسك وخل عندك عزيمه وإصرار للتغير للأفضل
وان شاءالله هنا مرح نقصر معاك

تحياتي