المشاركة الأصلية كتبت بواسطة انعكاسات

صح كلامك
النبضات والاهتزازات مو دليل الجن والشياطين و العين
وعذرا ع الكلام اللي راح اكتبه بس لازم الحق ينقال واعتذر اذا كان ردي قاس
الأخ عصفور ألاحظ دايما تخوف الأعضاء الباقين اللي طالبين استشاره
كل ما احد سأل عن شي قلت له مس شيطاني والا عين قويه والا جن !
اخي انت راقي او شيخ ؟ والا شخصت حالته و قريت عليه ؟
ما اظن , لذلك ارجو انك ما تشخص الاعراض بحسب تجربه انت مريت فيها وقاعد تعممها
يكفي القلق و الخوف اللي يحسونه وتجي تزيد عليهم عشان تخوفهم زيادة !
ما تعلم قد ايش يعانون ! كيف حالتهم ! ينامون والا ما ينامون ! بسبب كلمة منك ما حسبت لها حساب
احنا هنا عشان نساعد بعض ونطمن بعض مو للتخويف وعدم إيجاد الحلول
اعرف ناس حالتهم كانت سيئه و كأنه ميئوس منهم وبس بكى وصراخ و صدود عن كل شي كأنه مس او عين وما شاءالله تبارك الله الحين متزوجين ومخلفين وعايشين مرتاحين الحمدلله
بس متى ؟؟؟ لما قرروا من داخل انفسهم انهم يتغيرون و يغيرون طريقة تفكيرهم السلبيه
واهتموا بأنفسهم وبغذاءهم ونومهم تفاعلوا مع الناس و مارسوا انشطه مختلفه
فأرجوك مانبي تخويف للأعضاء , صح نؤمن بالعين و المس وغيرها لكن ما نعمم على شخص بس عشانه قال متضايق !
اعتذر على الكلام لكن لازم ينقال ويتوضح
والنبضات بالجسم دليل نقص البوتاسيوم و الفوسفات و قلة المويه
وبعدين هي قالت انها قرأت الاذكار وقرأت قرءان وهذي كفيله انها تحفظ من الشياطين




تحياتي