عبدالله سلمان

بيانات اضافيه [ + ]

رقم العضوية : 52674  تاريخ التسجيل :  01 2016  أخر زيارة : 13-06-2021 (08:19 PM)  المشاركات : 1,242 [ + ]  التقييم :  14  الدولهـ  الجنس ~

لوني المفضل : Blue

السلام عليكم ورحمة الله وبركاته


اخوي الفدعوسي .. أسئل الله انه يشافيك ويعافيك ويرزقك نعيم الدنيا والآخرة


اخوي الفدعوسي ... لا تسأل نفسك الأسئلة هذي ... الأسئلة لا تقدم ولا تؤخر ... أطلب الله واحتسب الأجر ... أجور عظيمة للصابرين .. قال تعالى (( إنما يوفى الصابرون أجرهم بغير حساب ))

وتذكر ياخوي إن المسلم يبتلى حتى إنه يمشى على الأرض ولا عليه أي خطيئة ... ومن منا لا يذنب يالغالي ؟


وتعال اقول لك ... داؤود عليه السلام أبتلي بالمرض وأبتلي بأهله


نبينا محمد صلى الله عليه وسلم ... من أشد الناس إبتلاء ... تخيل يالفدعوسي .. عاش طفولته فاقد الأب .. ثم فاقد الأم .. ثم فقد جده اللي رباه .. كل هذا وهو طفل ... ثم فقد عمه ابو طالب اللي آواه وكان يدافع عنه .. ثم فقد زوجته أمنا خديجة اللي ساندته وأحبها ... وحزن حزن كبير على عمه وزوجته حتى سمي ذلك العام بعام الحزن


تخيل كان عند ربعه وجماعته وأهله يلقب بالصادق الأمين ... لما أنزل عليه الوحي .. قالوا ساحر وقالوا كذاب وقالوا شاعر وقالوا مجنون .. وضعوا عليه سلا الجزور .. شتموه .. حاصروه في شعب بني عامر حتى أكل ورق الشجر من الجوع


استضعفوا اصحابه وعذبوهم .. حاولوا قتله ... ثم هاجر من ديرته اللي ولد وتربى فيها ... دفن أولاده بيديه .. كل هذا صار مع خير البشر وانا اخوك

تذكر إن أكثر الناس إبتلاءا هم الأنبياء .. لذلك لا تقنط من رحمة الله وأنا اخوك ولا تيأس ... يا أخي فيه ناس عندها أمراض مؤلمه والأمل بالعلاج ضعيف ولا يقدرون يتحركون ولا ياكلون ولا يقدرون يدخلون الحمام ... ما نقول إلا الحمد لله على كل حال


تلقى كثير منهم صابر ومحتسب ... الجنه يالغالي ما فيها مرض ولا فيها تعب نفسي ولا فيها إزعاج ولا فيها قلة حياء ولا فيها شغل ووظايف ولا حر ولا برد ولا تفقد عزيز ... ولا تحتاج حتى تروح دورة المياة ولا تكبر .. وفي نعيم عظيم ما تتخيله إلى الأبد ... تخيل .. إلى الأبــــد ..!!!


يمكن عندنا ذنوب يالغالي والله بحكمته وعلمه راحمنا ويبي يكفّر عنا سيئااتنا ؟

ما تدري لو ان الشخص مستصح وعنده ثروة إنها راح تكون نقمة عليه ؟؟ صح ؟ ما تعلم الغيب وانا اخوك


استهدي بالله وانا اخوك وما تدري لو ان الفرج قريييب .. اطلب الله يالغالي .. اسبغ الوضوء الحين وأوتر بركعة ولا بثلاث ولا بخمس الخخ ... واطلب الله هو اللي عنده مفاتح كل شيء وهو أعلم باللي فيه خير لك


استودعتك الله : )