نفساني - عرض مشاركة واحدة - إلى أحلى حلا و كامري و طبطب الآوان وربي يحبك

21-02-2016, 11:11 AM

اقتباس:

المشاركة الأصلية كتبت بواسطة محبة الرؤوف

احم ماادري ليه فيه شك بالموضوع ..😒

اختي انا مدري كيف رب العالمين بيشفيكم وانتم ما غير تشككون في الناس انتي واللي مثلك كأنك تقولين اني الاخ كامري لعلمك انتي وغيرك اقسم بجلال الله والذي رفع السماء بلا عمد وبسط الارض اني ما اعرفه وما راح اقول الا حسبي الله ونعم الوكيل هو اللي راح ياخذ حقي منكم ، وبعدين لو ابدخل بمعرف جديد ما لقيت غير الاسم هذا والله لو انه مقطوع سري في سيارة او شريطي معارض .

وعلشان تطمنين اكثر الله يحرمني الصحة والعافية كاني الاخ كامري حسبي الله على كل من اتهمني اوسبني .

اقتباس:

المشاركة الأصلية كتبت بواسطة كامري

ايه البنت خاقه عنده وكل شوي تدور عليه بالمواضيع
وتفكيرها كله فيه ،،
ياربي لك الحمد والشكر ،، ان بعض الضن اثم .??

اخوي كامري أنا ما احب الاسلوب هذا واحمد الله أني منا براعي الخرابيط اللي انت قاعد تتكلم عنها انت قلت انك ما تعرفني ولا قد تواصلت معي لكن انا من خلال قرايتي لردودك ما شاء الله عليك (( نسخ ، لصق )) يعني حافظ مواضيعي لو ابسويلك اختبار بمواضيعي يمكن تطلع الاول مكرر مع مرتبة الشرف حتى طريقك في الاسلوب تشبه طريقتي نوعا ً ما مع العلم ان فيه فرق كبير ما بيني وبينك من خلال تشخيصي للحالات و طلبي لإجراء بعض الفحوصات وتحديدها وسبب المشكلة الناس الأذكياء راح يفرقون لكن يمكن علشانك تتفق معي وتركز على ان المعده والقولون لها دور كبير في الاعراض اللي يشعرون فيها الاخوان قالوا انك ربي يحبك وما ادري انت تبي الناس تقول انك العضو ربي يحبك ياليت توضح للناس انك منت بالأخ ربي يحبك.

وحاب اقول للإخوان والأخوات فيه اشياء تفرق ما بيني وبين اخوي كامري من خلال كلامه على سبيل المثال:
الاخ كامري يكتب كلمة (( القالون )) وانا اقول كلمة (( القولون )) ايضا كلمة (( ايش , تجشؤ واواواواووا )) ايضاً اخوي كامري من اهل الحجاز من وبالتحديد المدينة بناءً على كلامه ، وانا من اهل نجد وما راح اقول من أي مدينة بالتحديد لكن انا حول منطقة الرياض .
ارجع لك
اخوي كامري عندي ملاحظات على ردودك
أولا ً
حاب اقولك أن اللتهاب المعده والقولون ما يجي فقط من جرثومة المعده علشان تكون بالصورة
ربما يكون من كثرة استخدام الحبوب مثل المسكنات او حصوة بالكلى او بالكبد او اللتهاب في المرارة واواواواواوالـــــخ يمتد على المعده والقولون وفيه الكثير ما ابغى افصل فيها لانها تحتاج وقت .
ثانيا ً
اشوفك تطلب فحص لكريات الدم البيضاء حتى تحدد اذا في الشخص اللتهاب في المعده والقولون او لا والفحص هذا ماهو دليل قاطع ان ارتفاع كريات الدم البيضاء معناه فيه التهاب في المعده او القولون على سبيل المثال اذا حصل التهاب في اللوز او الاسنان او في الزائدة او المرارة راح ترتفع كريات الدم البيضاء حبيت اوضح لك لا اكثر ولا اقل يعني لو تقول لأي شخص سو فحص للدم بشكل عام ((cbc)) راح يكون افضل .

ثالثاً

اخوي انت تطلب من الاخوان والأخوات فحص الجرثومة عن طريق البراز حاب اقولك التحليل هذا ما يصلح لبعض الناس تدري ليه لأن أي شخص يستخدم مضاد حيوي او علاجات نفسية ما راح يبين في التحليل بسبب الادوية هذي لذلك المنظار ادق وأفضل .
وفي الاخير راح اقولك أن التخصص في الطب الباطني يعتبر من اصعب التخصصات لان اعراض مشاكل الجهاز الهضمي تتشابه ومن الصعب على الطبيب ان يحدد المشكلة الا الطبيب المتمكن .
ولك كل التحية والتقدير ،،،،

اقتباس:

المشاركة الأصلية كتبت بواسطة احلى حلا

انا عندي رقم جواله
ارسله لي بالخاص عن طريق احد المشرفين
بس ما كلمته ولا تواصلت معه
كل يوم اقول بكرا ابكلمه
عموماً وجوده في المنتدى كان غريب وايضاً اختفائه اغرب
الا اذا تم ايقاف عضويته من قبل الاداره.
ياليت احد يفيدنا من الاداره هل تم ايقاف عضويته .
عموماً ان كان لي رأي قبل فتره ورديت على العضو كامري انه يذكرني بعضو سابق وذكر اسمه اني اقصد ربي يحبك
ومازلت عند كلامي اعتقد انه هو نفس الشخص بأختلاف المعرف بس ليش غير المعرف الله أعلم !!!!!!

هلا اخوي العزيز احلى حلا الادارة ارسلت لك رقمي ولا اتصلت الله يسامحك تدري يعلم الله اني كنت حريص على اني اكلمك ابغى اساعدك الله يعطيني على قدر نيتي لك .
تقول وجودي في المنتدى غريب ما الغريب الا الشيطان الله يهديك وجودي لمساعدة الاخوان والاخوات وأديت رسالتي لهم يعني اللي يبي يستفيد يدخل مواضيعي والاهم من وجودي ابي دعوة بظهر الغيب لا اكثر والا اقل .
ومن ناحية ثانية تقول اختفائي غريب اخوي احلى حلا اذا صار يجيك على الجوال اكثر من 15 اتصال من عدة منتيديات يومياً بالله عليك تبي تصبر خلاص راح تمل علشان كذا ابتعدت عن المنتديات والغيت الجوال ويعلم الله ان رقم الجوال السابق شاريه من شخص اجنبي لأنه من الصعب تحط رقمك الاساسي في المنتديات والرقم كنت مخصصه للناس اللي يعانون من المشاكل هذي وكلها ابي الأجر من الله لكن اتفاجأ باتصالات بأخر الليل وبالنهار وبكل وقت والمكالمة تاخذ ساعات ؟؟؟؟ أضف الى ذلك ابي الناس تدعيلي اذا كتبت موضوع يفيدهم اتفاجأ بالدعاء علي من احد الاعضاء في اخر موضوع كتبته لكن ما يرمى الا الشجر المثمر غير ظروفي الخاصة اللي تمنعني من التواجد مثل السابق لعلك عرفت سبب اختفائي .

وتقول اني عضويتي موقفه من قبل الادارة
الله يهديك بس اخوي احلى حلا حتى تكون بالصوره انا ما اكن لمنتدى نفساني من ادارة و نواب و مشرفين و اعضاء الا كل محبة وتقدير وكلهم على راسي من فوق .
كيف يوقفون عضويتي أبغاك انت أو أي شخص يرجع لملفي الشخصي ويشوف اذا كنت سبيت احد او اعتديت على احد الا لالالالالا اذا ظلمت او لفق علي .
وللعلم لو ترجع لردودي على الاخوان والاخوات ما فيه حالة ما شخصتها وطلع كلامي غير صحيح ارجع لملفي حتى تتأكد وتبي الاخوان يوقفون عضويتي على أي اساس ؟؟؟؟؟ الله يسامحك
لعلمك اخوي احلى حلا إدارة المنتدى نفسها طلبت مني اكون مشرف في المنتدى ولي الشرف اني اكون مع النخبة هذي لكن يعلم الله اني تعذرت لظروف خاصة تمنعني من تواجدي بشكل دائم وقلت متى ما كنت موجود راح ارد على الاستفسارات اللي توجه لي لأن دخولي المنتدى قليل جداً .

اخوي احلى حلا
كنت اعتقد انك اذكى من كذا
تقول ان الاخ كامري يذكرك بالعضو ربي يحبك اكيد علشانه يركز على التهاب المعده والقولون بالله عليك ركز في كتاباته زين الرجال من الحجاز وانا من نجد وش جابني له بعدين حتى تتأكد مئة بالمئة الفحوصات اللي يطلبها غير عن اللي اطلبها واسلوب رده يختلف عن اسلوب ردي .

على العموم غيرك الكثير من قال ان العضو ربي يحبك هو صاحب تجربة اكيد علشانه يكتب بالتفصيل
ومن قال العضو ربي يحبك
رعشني حضورك اكيد علشانه يحارب الطب النفسي .

لذا ارجو من استاذي الكريم ابو عمر الحوراني او اختي امل الروح او ظل امرأة او الشاكر يوضحوا اذا كنت انا العضو ربي يحبك نفس الشخص كامري او صاحب تجربة اورعشني حضورك حتى الكل يتطمن .

وفي النهاية
اقسم بالله العلي العظيم اني ما اعرف الاخ كامري ولا صاحب تجربة ولا رعشني حضورك لا من قريب ولا من بعيد ولا تربطني معهم أي علاقة الله يوفقهم بالدنيا وبالآخرة .

حسبي الله ونعم الوكيل هو اللي راح ياخذ لي حقي عاجلاً غير آجل

اقتباس:

المشاركة الأصلية كتبت بواسطة احلى حلا

سبحان الله كيف عرفت انها بنت نقرتين لعرض الصورة في صفحة مستقلة

اسأل اخوي كامري يجاوبك على سؤالك لعلك تجاوب على سؤال اخوي احلى حلا
حسبي الله ونعم الوكيل

اقتباس:

المشاركة الأصلية كتبت بواسطة ياااااارب

أخواني أو أي شخص تواصل مع الأخ الفاضل
(ربي يحبك)

عندي اسئلة خاصة بودي يجيبني عليها وما خصيتكم بالذات الا لتواجدكم في المنتدى ويمكن كنتوا على تواصل معه من قراءتي لمشاركاته ومشاركاتكم .

أتمنى من إدارة المنتدى أو منكم اخباري هل العضو ربي يحبك مازال موجود أو فيه طريقة للتواصل معه عن طريق إدارة المنتدى

هلا اخوي او اختي
اسمح لي
اذا كانت الاسئلة خاصة فيني ما راح اجاوب عليها .
ودمت سالما ً معافى بإذن الله