شموخ الجرح

بيانات اضافيه [ + ]

رقم العضوية : 3174  تاريخ التسجيل :  12 2002  أخر زيارة : 27-07-2004 (02:22 PM)  المشاركات : 9 [ + ]  التقييم :  10

لوني المفضل : Cadetblue

مرحــــــــــــبا


عزيزتي اول شي انا حابه ارحب فيك اول,,,

وحبيت اقولك كلام بخصوص موضوعك..عن الجامعه,,

واحب اقولك ان مشكلتي مثل مشكلتك بالتمام,,

بس من جد زعلت..لما شفت بنت من كلامها انها طموحه وتبغى ترتقي بفكرها ..
وتوصل لشي عالي..

و اولاً واخيرا تتخصص بتخصص تحبه,,

وبالاخير تتراجع عنه,,

حبيبتي.. حبيت اقولك انا برضوا اعاني من نفس تفكيرك.. وتخصصي انشالله علم نفس,,

وفكرت كثير بمسألة الجامعة,,

والحمدلله لقيت الحل,,

وابقولك ياه,,

بس اول شي.. ليش تلغي طموحك؟
وتعلقين تراجعك عالبنات وعالمجتمع؟!
زي مافيه بنات راح يخربوا أخلاقك.. برضوا فيه بنات ممكن يسموا باخلاق فوق فوق بالعالي,,

والمجتمع ماراح تقدرين تغيريه لكن تقدرين تشكلين وضعك فيما يتماشى معاه,,

وتعرفين كيف تواجهي هالعقبات ..لان المجتمع انتي منه وفيه,,

واذا ما تغير راح تجلسين تحطين يدك على خدك وتبكين وتتحطمين
لا طبعا
انا متاكده الحين اني اخاطب عقل واعي فاهم والدليل على هذا تفكيرك وتحليلك..
بس للاسف
يزعجني انك ماراح توصلي لهدفك بحجة المجتمع والبنات..؟

ليش تقتلي طموحك
على شي مفروغ منه.. وشي لابد منه.. وشي من الصعب انك تغيريه ..بس من السهل انك تتكيفي معاه بارادتك طبعا,,
عزيزتي,,

الجامعه انا سألت عنها كثير ..وشفت منها مثل اللي شفتيه,,
بس هذا مهو عذر انك تتراجعي عن شي مخططه له من زمان,,

وشيء سعادتك وطموحك فيه,,

ماتدرين يمكن على يدك تساعدي الكثير بعد ماتخلصي من هالتخصص,,


والبنات انا برضوا مشغلني هالموضوع,,

بس شوفي ابقولك نصيحه ,,
ولا تنسيها ابد,,
مو بس بالجامعه بكل مكان,,

(خليك مصاحبه البنت اللي تخاف ربها والملتزمه..والبنت اللي كل همها كيف توصل لهدفها وطموحها)
هذي والله الرفقه اللي ترفع الراس.. وتحميك من كل فساد ..وتسمو باخلاقك يمكن بعد تغير فيك كثير..
خليك مع البنت ..الملتزمه اللي تخاف من ربها,,
والبنت اللي كل همها ..كيف توصل لهدفها اللي هي داخله عشانه..لانها بتعينك,,
واختاري شلتك بنفسك,,

واذا شفتي بنت مهي مضبوطه حطي حواجز بينك وبينها.. وارسمي بينكم حدود ..وعطيها بوجهها
ولا تجامليها ابد,,من البدايه,,

البنت اللي مهي مظبوطه اكيد بتواجهي نوعيات تتلزق

عندي حفله ,,اطلعي معاي,, كلمي الى اخره

خلي جوابك جواب واحد,,
((اسفه والله انا من عائله محافظه واهلي متشددين ..واحنا من يوم ما انخلقت على هالدنيا ما اشوف الا عمي وعمتي وجدي وجدتي وخوالي وخالاتي))
حاولي..تمشينها بهالاجابه انه اهلك ملتزمين ومتشددين,,
والبنت على طول بتعرف ان طريقك غير طريقها وبتبتعد,,

وبعدين حبيبتي ..انتي قدامك هدف واضح,,
واذا تبغي تمشي فيه لازم تمر عليك عقبات,,

بس لا تتراجعي من اول عقبه,,

بس ارسمي طريقك.. وحطي حدودك ..واختاري البنت اللي تخاف ربها ..صدقيني هي اللي بتنفعك,,
لانها قبل ما تسوي شي بتخاف من ربها..قبل ما تخاف من الخلق,,

ولا تخوضي كثير بالصداقات ,,
زي ما قلت لك.. انتي قدامك هدف واضح لا تخلي شي يعيقك او يشتتك عنه,,

انتي ذكرتي كثير من السلبيات بالجامعه,,
بس ما ذكرتي الشي الحلو,,

وش يدريك يمكن تكونين اخصائيه قد الدنيا بكره,,
الناس اللي حولك كلهم ..واكثرهم دخلوا الجامعه,,
وحققوا طموحاتهم.. وعاشوا في احلى نجاح
وش فرقك عنهم؟
الفرق انك فكرتي بشيء..قبل هدفك الاساسي

انتي داخله الجامعه ليش
؟
اذا داخله لصداقات
بتتعبين

لانك بتلقي المحترمه ..واللي الله يسترعلينا و عليها,,

انتي داخله عشان التخصص اللي هويتيه طول عمرك..
عشان كذا بليززز..

لاتخلي هالشي يخليك تتراجعين,,

لانه بيدك كل شي,,
وبعقلك تقدري توزنيها..وتوزني الامور صح,,

واذا كنتي بتتراجعين عن طموحك عشان الشي هذا اللي كثير راح تقابلينه بحياتك
فانا اقولك ماراح تعدي وتنجحي بشي بعدين,,

لان هذا شي مفروغ منه.. شي طبيعي انك بتلقي زي هالاشكال

بس بارادتك تقدرين تتجاوزين كل شي,,

وزي ما قلتك
هدفك ايش؟؟

هدفك شي واحد

ادرس علم نفس واساعد غيري بهالتخصص,,

خلاص مشي وضعك على هالهدف.. ولا يشتتك شي ثاني,,

وتوكلي على ربك,,

واختاري البنات الخيرات اللي تشوفيهم يخافوا ربهم,,
ولاتجاملي مع غيرك,,

وارسمي حدودك مع غيرك,,

اسفه انا طولت كثير,,
بس ما هان علي اشوف بنت بنفس مشكلتي,,
وما اقدر قدر الامكان اني اساعدها واعطيها نصايح باللي اقدر عليه,,
مع اني ما اعرفك
بس يمكن الرغبات مشتركه,,

والله يوفقك يارب ..وفكري قبل ماتقرري

التسجيل لسه باقي اسبوع عليه
فمان الكريم.. وبالتوفيق


اختك شموخ الجرح