نفساني - عرض مشاركة واحدة

10-08-2016, 11:09 PM

اقتباس:

المشاركة الأصلية كتبت بواسطة Queen of my own

قول أمين الله يسعدك الهي دنيا و اخرة .. الله يعطيك و يرزقك من عظيم خيري و نعمه .. الله ربي يشفيك و يعزك عز لا ينبغي إلا لك ..

بس أخوي حنا بشر ما أقدر أقول إني حديد ..
أنا ما أنتظر من أحد شيء بس يخلوني في حالي ..
أنا مدفونة حيا ليش طيب علشاني حرمة ..
لا أقدر أطلع لا أقدر اتنفس و عنف و حقران و تهميش بالله وش اسوي غير المناجاة في سجادتي و الله الذي لا اله الا هو ..
أنا متعبة منهم انا مريضة منهم ..
أنا مريضة لاني عندي ناس مريضين نفسيا و اخلاقيا ..
وش اسوي انتظر الموت مثلا .. ممنوع كل شيء أدنى حقوقك معدومة .. أنا في عينهم شيء مو أدمية مو نفس بشرية و لا فوق ذلك
ممنوع أشتكي ممنوع أصيح مننوع أتكلم او حتى اخذ حقي وش تسوي لاصار العالم ضدك ما احد سال عن احد و انا اهلي بالعربي هم مصيبتي .. أقسم بجلال الله أني صابرة على عظائم .. لكن الى متى و انا مهدور حقي و لا يحق لي حتى إني أشتكي او اتكلم .. وين اروح .. اروح للناس اشكيهم اهلي ؟ !!
وش اسوي كرهت نفسي قسم بالله .. أحس إني زبااااااالة مالي كرامة و لا لي قيمة .. اموت احي ما أحد يسأل .. الى متى التنعيف .. الى متى يستقون علي .. علشاني حرمة حسبي الله و نعم الوكيل ..
انا فاض بي الحال .. فااااااااض ..

آمين وإياك يارب .. الله يجزاك خير على هالدعوات ولك بالمثل إن شاء الله

والله ما ألومك .. وإني غالباً أتعاطف مع النساء هنا لأن في الغالب لا لها حيل ولا قوة مثل الرجل .. متى ماضاقت فيه ألبد أو ركب سيارته هاجر سافر راح جاء محد يقول له وين أنت رايح ويقدر يدافع عن نفسه

ما فيه شيء يستمر على نفس الحال يا أختي ... أهم شيء أهم شيء إنك تحافظين على نفسك ولا تنهارين ... إنتي أقوى .. صدقيني أقوى وبمراحل .. لأن لو الشخص اللي أمامك قوي كان ما فرّغ غضبه عليك وآذاك .. في المقابل ما زلتي متماسكة .. ولا أظن هالشيء اللي يمر معك الآن جديد .. ولكن أنتي الآن في لحظة ضعف وتفريغ سرعان ما تتجاوزينها إذا عرفتي وآمنتي بإن هالوضع ما راح يكسرك ولا راح تنتظرين من بعض الأوادم التغير وتربطين سعادتك فيهم وفي عطفهم ومساعدتهم

والله ما ألومك .. أنا رجل ومع ذلك أشكي جحود الأوفياء .. أهلي الطيبين .. لما ما فيه أحد يهتم ويسأل ... ولكن أحيانا أستوعب الأمور وأسيطر على تفكيري بإني مو محتاج أحد حتى لو كانوا طيبين .. المهم هو إني ما أطيح .. ما أنكسر .. أبحث عن أي شيء يسعدني ولو بالنت شوفة عينك مسنتر هنا غالب وقتي ... مع إنه فيه المئات بالخارج يحبون يجلسون معي أو أزورهم .. ولكن السؤال هل أنا مستعد ؟ هل أنا راح أتحسن لما أقابل بعض الأغبياء هنا أو هناك وأتحملهم ؟ أو ممكن أكتم نفسي زود أو أفقع وجه واحد غبي وأصير بنظر الناس لا زلت مراهق أو أراجع مركز شرطة ويقطوني بالحجز

كل الناس الأنانيين اللي حولك ممكن ينهارون وتتلاشى سيطرتهم وقوتهم عليك مع مرور الأيام .. أما إنتي واللي مثل وضعك تجاوزتوا البدايات النفسية الصعبة وهي أسوء ما يمر على الإنسان .. الآن عندك حصانة وإستيعاب أكبر .. فقط لا تضعفين وتمسكي بالصبر ... ولا تنتظرين من أحد أي شيء .. وكل شيء في يوم بيتغير .. ما أحدد مدة ولكن بيجي ذاك اليوم وأتمنى إنك تكونين فيه بكامل قوتك ومحافظة على نفسك

كل أذى تعرضتي له وألم .. مسجل ومكتوب ولا بيضيع شيء

كل من إرتكب فيك ذنب .. مكتوب ومسجل ولا بيضيع

ولو منتي قوية كان على قولتك .. إما هاربة وإما إنسانة شخصيتها مدمورة ولا تعرف تحط كلمتين على بعضهم .. واللي أشوفه إنسانة قوية الشخصية ولبقه وصبورة .. ولا أنسى آخر مرة شفتك تتكلمين فيها برمضان بالصندوق .. كنتي جدا مؤمنة ومتطامنة وصدرك واسع هالكون كله .. أذكر كتبتي تنصحين اللي بالصندوق .. وضيقتك هذي بتفضفضين فيها وبترجعين أقوى

..