بندر 71

بيانات اضافيه [ + ]

رقم العضوية : 6999  تاريخ التسجيل :  09 2004  أخر زيارة : 01-10-2004 (03:32 PM)  المشاركات : 4 [ + ]  التقييم :  10

لوني المفضل : Cadetblue

بانتظار افادتكم على احر من الجمر !

بسم الله الرحمن الرحيم


السلام عليكم


انا عمري 33 سنه وغير متزوج

من سنتين

عندي الاعراض التاليه :

* صعوبه في البلع

* ضيق تنفس شديد

* الم بالمنطقه الوسطى من الظهر

* انتفاخ شديد بالبطن وتجشؤ .

علما بانه لايوجد لدي الم في البطن والحمد لله

عملت تحاليل ودم وكانت سليمه والحمد لله

وكذلك سونار على البطن واتضح انه مافيه شي بالكلى والكبد والمراره

وبعدين عملت منظار للمعده والنتيجه سليمه .. وبعدين اشعة بالريوم للمرئ

وطلعت سليمه ...

وعرضت نفسي على استشاريين باطنيه .. واخر واحد ضغط على المنطقه

اللي فوق الصره .. واخبرني بانه ماعندي شي عضوي ..

وهذا مجرد (خلل وظيفي بالجهاز الهضمي) مسبب لي هالمشاكل

واللي فهمته انه لازم اعرض نفسي على طبيب نفسي :)

علما باني بطبيعتي .. حساس جدا .. وعاطفي وبالسنوات الاخيره

عندي ضغوط نفسيه ومريت بتجارب عاطفيه فاشله

.. وعندي قلق وحالة خوف خصوصا لما اكون نايم

واسمع صوت .. افكر انه فيه شي مو زين صاير بالبيت ودايما اخاف

افقد احد افراد عائلتي ..

وبصراحه 4 مرات حجزت موعد عن اطباء نفسيين .. ولكن في اللحظات

الاخيره اتردد اروح .. لدرجة اخره مره وصلت باب العياده ورجعت


فهل يعقل ان تلازمني صعوبة البلع وحالة الاختناق وضيق التنفس

للسنه الثانيه على التوالي (لاسباب نفسيه كامنه) !!!

و ماهو تعليل حالتي ؟!!

ملاحظه : صرف لي احد اطباء الباطنه .. ليبراكس ودوغماتيل ودسبتالين ..

واستخدمتهم لعدة اشهر وبدون فائده تذكر ... ونوبات ضيق التنفس تنتابني

حتى وانا سعيد وفرحان .. والشي اللي لاحظته بالفتره الاخيره اني لما اصحى

من النوم اكون مرتاح نسبيا وبعد دقائق او ساعات تبدا اعراض ضيق التنفس

وانا جاهز لاي استفسار وراح ارد بصراحه


وجزاكم الله خيرا .... واثابكم الله

اخوكم المحتار ... بندر ,,

المصدر: نفساني