نفساني - عرض مشاركة واحدة

24-03-2017, 08:14 AM

البرق لعيون المولع مناديب
والبيد لأقدام الخلاوي ركايب

من راقب العالم يشوف التعاجيب
ومن طاول الدنيا يشوف الغرايب

البرق لعيون المولع مناديب
والبيد لأقدام الخلاوي ركايب

وأرواحنا لهموم بقعاء معازيب
ومعزب الأرواح قبر ونصايب

سبحان من يخفي عن العالم الغيب
وخلّا الوعد مع نازع الروح غايب

كلن يسوق الرجل ويروح ويجيب
أحدن يجيب بسلم واحدن نهايب

أحدن يجيب الفود والعز والطيب
واحدن يذله كل ماكان جايب

ومن لاستر وجهه عن الذل والعيب
ماعاد يلقى لذل وجهه طبايب

ولاصار ذكرك فوق روس المراقيب
خلك على دربك ترى الدرب صايب

تصير في عيون النشاما كما الذيب
وفي عيون عدوانك عطيب الضرايب

موت الفتى بالمرهفات المحاديب
أخيــر من حين مع الناس خايب

موتن تباكا له عيون الأجانيب
ولاعيشتن تدعي عليها القرايب

واللي نـفـوسن ماتروم المواجيب
واللي يدينن ماتسد النوايب

عذر الردي ماكل من يجهد مصيب
عود الحماطه كاسرتها الهبايب

مايخلف الهقوه اطوال الأشانيب
صحيح من قال المراجل وهايب

يربى على الشاهوق عكف المخاليب
والا الوطى يرباه بوم الخرايب

من راقب العالم يشوف التعاجيب
ومن طاول الدنيا يشوف الغرايب

غير النبي محدن بليا عذاريب
وكلن على الثاني سيوله جذايب

ما كامل إلا وجه جزل التواهيب
ولا رابح إلا اللي من الذنب تايب

كلن ذنوبه تغرق الكم و الجيب
وكلن عليه من الليالي مصايب

ليه الحسد والغل والشك والريب
وليه القطيعة واندلاع الحرايب

ولد الأحقاد شذب العراقيب
والحقد سم (ن) فالمعاليق ذايب

شرارتن من ملحقين المشاهيب
من ناشته خلت ضلوعه حطايب

ومون بالأمواس مثل القصاصيب
ذنبٍ يوقف منه قطر السحايب

لعل من يفرح بشيل المشاعيب
ويصير في فرقى الرفاقه سبايب

تقطع عراويه من الرزق والصيب
ويموت ماتنظر عيونه حبايب

وتصفى النفوس ويركدن المشاريب
لا به ذنب عقرب ولا به نشايب

هذا بعض ما علمتني التجاريب
اللي من الأيام جتني جلايب

لا كامل إلا وجه اللي يعلم الغيب
و لا رابح إلا اللي عن الذنب تايب

للشاعر : خالد بن مدعث الدوسري

https://

ظل امرأة معجب بهذا