نفساني - عرض مشاركة واحدة

29-05-2017, 09:47 PM

جرحتوني و أنا جروحي قديمه
و أنا من شانكم شلت الضيومي

أعيش بمجتمع روحي يتيمه
و لا أدري من عليه أشكي همومي

برغم ان كل نياتي سليمه
أعز الناس يتعمد هجومي

لك معزه داخل القلب و قيمه
من دون خلق الله قلبي لك يدومي

تحملت الإهانه و الشتيمه
و أشوف الجور منك كل يومي

إذا قصدك تبي لي الهزيمه
أنا راضي بحظ ما يقومي

ألا يا ونتي ونة يتيمه
تصافقها لوافيح السمومي

ضحاح الفجر مع هبة نسيمه
تذكرني بكم و يزين يومي

أصيح و أشتكي و الناس نيمه
أناجي الليل و أعد النجومي

أنا مجروح و جروحي عظيمه
و أخفيها ما ابي أحد يلومي