نفساني - عرض مشاركة واحدة

14-11-2017, 08:37 PM

حزينة لي كم يوم أحس لو ما بتكلم عن الشي اللي قهرني راح أنفجر

في البيت الملاصق لنا أطفال أعمارهم من العشر سنوات و فوق شفتهم لهم كم

يوم قدام باب بيتنا متسلطين على البسوس الضعوف طايحين فيهم

ركل و هواش و هم يتخابطون في بعض

و يناقزون من الخوف

حتى اللي داخل ممر بيتنا ايضا يتخابطون يوم يسمعونهم

المشكلة ان البسوس كانت متجمعة قدام بيتنا ماهي حول هؤلاء الأنذال أبد

انا كل عصر اضع لهم شي قليل من الطعام الجاف اذا توفر داخل الممر حق بيتنا

ما أعتبره حوش أعتبره ممر يؤدي لباب الشارع لانه صغير جدا

بعد صلاة العصر أوارب الباب قليل بحيث يستطيعون الدخول للمر و ياكلون اللي

فيه النصيب و هؤلاء الدواعش الصغار تسلطوا عليهم لهم فترة

تخيلوا اني بالرغم اني شفتهم و انا وراء الباب وهم يركلون فيهم و يمنعنوهم

من الدخول انعقد لساني و ما قدرت أدافع عنهم لدرجة اني كرهت نفسي

و حسيت اني شاركت المجرمين الاذى

انا سبب سكوتي خوفي يصعدون الموقف و يحطونهم في بالهم زيادة و يزيدون

في الاذى و مو بعيد التسميم

حتى عندي ام وعندها رضع لها كم يوم بمجرد افتح الباب الداخلي متجهة للممر تصمم

هي و عيالها الا يدخلون داخل شكلهم خايفين و متوترين و يركضون عندي

كل هذا مع حرصي اني ما اتعرف على جيران الندامة من يوم سكنا حتى

لا ياخذون علينا و يكسرون الحواجز و يتسلطون على الضعوف

الله يقطع التربية النذلة التعيسة اللي ما علموهم اهلهم معاني الرفق

و الرحمة بهؤلاء الضعوف و بالنهاية نتساءل من وين اطلعت داعش

علماء النفس التربوي قالوا ان هذا العنف تجاه الحيوانات مؤشر خطير لأن

اللي يعتدي على حيوان ضعيف و يتسلط عليه بكرة من السهل عليه انه يتسلط

على البشر و يقتلهم

انا كل فترة صرت اشوف قطط مدعوسة و ميتة في السكة اللي قدام بيتنا مباشرة

شكلهم يوم يروحون يصلون يركلونهم و يروعونهم لين يتراكضون من الخوف

و الالم بلا هدى و تدعسهم السيارات

مدري وش الصلاة اللي ما نهتهم عن الشر الله يشغلهم بأنفسهم

هؤلاء كما ذكر علماء النفس اما نتاج عنف أسري و تسلط احد

والديهم عليهم او نتيجة اعتداء جسدي من احدهم ثم ما يلقون غير

الضعوف يصبون عليهم عدوانهم

دامهم بيطلعون دواعش وش نبي فيهم الله يفكنا منهم ومن شرهم

ليتهم رقدوا و لاجو للدنيا حتى ينكدون و ينكبون كل ما هو جميل و ضعيف

و حسبهم الله و نعم الوكيل هم و اهلهم