|
مفيش فايدة .. خلاص شكلي هستسلم
انا مش عارفه اقول ايه ولا اكتب ايه
عارفه أن كل اللي هقوله كلام مكرر ومعاد
وغالباً ملوش حل عند حد فينا كلنا بنحاول نخرج من النفق المظلم ده وفي اللي بينجح وفي اللي لا ..
بس انا خلاص تعبت ومش قادره اعافر اكتر من كده
انا على طول خايفه من كل حاجه واي حاجه وحاسه اني هموت ..
بقالي فترة الاحلام مسيطره عليا وتفسيرات مش حلوة
وسواس الاشارات والعلامات شغال ما شاء الله آخرهم النهارده اول ما ركبت العربيه سمعت في اذاعة القرآن الكريم ( اقترب للناس حسابهم وهم في غفلة معرضون) وكانت السورة كلها تقريباً شغاله !!
ومن ساعتها وانا بقول اكيد دي رساله ليا علشان تنبهني لان هيجرالي حاجه بعد كل اللي بيحصل معايا الفترة اللي فاتت ...
مبقتش مقتنعه أن حياتي هتتغير أو اني هتغير أصلا وهبطل خوف وهعيش عادي حاسه اني هتجنن أو هيجيلي حاجه ف عقلي من التفكير ومش عايزة اتعالج بأدوية لاني عارفه اني لما ابطل هرجع تاني ومش هعيش الباقي من حياتي في حالة الزومبي بسبب دوا بيعالج علاج وقتي مش دايم وانا خدت أدوية قبل كده وعارفه فكلامي مش من فراغ ...
انا في قمة اليأس والإحباط والارتباك والتعب ...
ارجوكوا ادعولي بالشفاء وان ربنا يقويني على نفسي
وان اليأس اللي فيا ده يتحول لأمل ...
😔😔😔😢
|