نفساني - عرض مشاركة واحدة

25-03-2018, 06:04 AM

كنت عصر الجمعة الماضي انظف الحوش و اغير ماء الشرب الخاص بالقطط و تبعني قط ملقوف من قططي انقذته رضيع بدون ام لين صار الحين عمره حول خمسة اشهر و فجاة صعد على صندوق الكهرباء و اعتلى السور و فرحان حبيبي انه متسلق ، لان التسلق غريزة سبحان الله عند فصيلة السنوريات ، و شوي بدأ يقلق و يبي ينزل و خايف و كان جنبي كرسي بلاستيك مديته له و نقز عليه و هبط بهدوء ، و ما في دقايق رجع رقى و انا منشغلة بالتنظيف و بدأ يقلق يحاول ينزل و ما قدر خايف ، و يوم زاد قلقه صار يروح جهة المجرمين و يرجع لين فجاة اختفى و القلق زاد عندي و انا انتظره ، ما توقعت يختفي بذي السرعة و فجأة قاموا بتشغيل الماء و انا اشهق يوم سمعت ضخه و رفعت عيني للسماء قلت يارب خلاص ابنجن و شوي الا يرجع باتجاهي يجري مبلول بالماء مغرقه لدرجة ما عرفته و وضعت له الكرسي و هبط عليه بسرعة مرعوب و دخلت البيت شايلته ابجففه حتى ما يمرض ابكي من الخوف ماني مصدقة

كلها في لحظات

بالله وش رايكم بهذا الاجرام

الحين ما هان عليهم حجمه اصلا بحجم الكف اللي يشوفه يقول عمره شهرين مو خمسة اشهر كانوا ناويين قتله في اليوم الفضيل لمجرد مر باتجاه سور بيتهم
هذا لو سقط من السور و طاح بين يديهم ما كان شفته ، خاصة ان حجمه صغير و خفيف اقل نسمة هواء تبي تطرحه عندهم ما هو خرطوم ضخ الماء

انا لو ما شلته بين يديني مبلول و غرقان بالماء ما صدقت انهم قتلوا اللي قبله بهذي الطريقة مثل ما كانوا ناويين قتله

بالله ما لي حق اني اصاب بالهلع و الرهاب و كل الامراض

اسأل الله ان ينتقم منهم و من السوداني اللي فجعني بتسميمهم و قتلهم و ربي ينتقم من كل مؤذ و مؤذية ما يخافونه