نفساني - عرض مشاركة واحدة

05-04-2018, 01:32 AM

لاتخـالـفـت المـمـاشـي تخـالـفـت الــــدروب
مــــع مـــــن يـعـنـيــك ويــقـــدرك وتــقـــدّره
والبشـر محـدٍ علـى شـف غيـره بمغَـصـوب
مـــن بـغـالـه شــعــب فـيـسـنـده ويــحّــدره
والعـرب ماهـي بيـتـدري بـسـدات الغـيـوب
وارد الــمـــا مـايــدلّــه يـــاكـــود مـــصّـــدره
ولا تجيك الحصبه الا من فراش امحصوب
وحبـة الجـدري تجـي مـن فــراش مـجّـدره
عـلــم الـلــي كـــل يــــوم ٍ يقـابـلـنـا بــثــوب
مـــا يـخـدرنـا كـلامــه مــــع مــــن خــــدّره
إن لقينـا اللـعـب نـزحـف مــع جــو ٍ لـعـوب
و ان هبطـنـا ســوق طـيـب ٍ خذيـنـا نـــدّره
و المـحـب اذنـيـه ماهـيـب تسـمـع للـعـيـوب
و الـعـدو لا درهـمـت بـــه تـجــي مـتـحـدّره
دامـت الأخـلاق يملـك بهـا الواحـد شعـوب
يـاجـب انـهـا فــي جمـيـع الامــور مـبــدّره
و ان لقينـاهـا طويـلـه و موخـرهـا سـحـوب
و الـمــرض فـيـهــا فـحـولــه تـهـيّــج فــــدّره
ان قـدرنـا نقـفـل الـبـاب مــن دون الهـبـوب
ولاّ جــــا درب لــنـــا و الـقــنــي مــســـدّره
الأصـايــل كـــل يــــومٍ تــلافــح بـالـكـعـوب
و الـــردي لا عــيّــن الــلــي يـهـيـنـه قــــدّره
ولا تعرف حسابـك إلا ليـا صـرت محسـوب
وشـرهــة الـقــادر عـلــى الـعـالـم المـتـقـدره
فالـمـقـابـل نـفـتــح لــــه دوالــيــب الـقــلــوب
و الـمـقـفــي قــلــعــة الـــوادريـــن تــــــودّره