نفساني - عرض مشاركة واحدة

25-05-2018, 05:54 PM

و فوق ذا معترض على شرع ربك و مو معجبك إن تارك الصلاة كافر ؟ تبي تفصل شرع على كيفك ؟

هذي ما هي فتوى المشايخ ، هذا شرع ربك و قول رسولك الكريم صلى الله عليه و سلم يوم قال العهد الذي بيننا و بينهم الصلاة فمن تركها فقد كفر ، غير إنها ثاني ركن من أركان الإسلام الخمسة

هذي أوتاد دينك و فوق ذا تعد ثاني وتد

وش الميزة أصلا اللي تخليك تفرق بين المسلم و الكافر غير الصلاة ؟

مدري وش التخاذل و الانهزامية اللي صايرة في المسلمين و الجسارة على ثوابت الدين و ترك التناصح اللي يجلب السخط و الخسف و اللي كان سبب في هلاك الأقوام السابقة

وش انت حي له أجل ؟

أمس في القروب تاركين وحدة تحلف بغير الله و تقول عادي أحلف بأمي بزعمها يوم ناقشتها أنها حلفت بكبير تقصد هي أمها ،
مين أكبر من الله اللي يغضب يوم ينازعه أحد مكانته و قدره و عظيم سلطانه

و هي تدري إن من حلف بغير الله فقد أشرك ، و أقيمت علينا الحجة من الصف الرابع الابتدائي يوم درسونا هذي المعلومة ،
و الله عز و جل ذكر في كتابه أنه لا يغفر لمن يشرك به و يغفر ما دون ذلك لمن يشاء ،

يعني مو جهل ، أجل استهتار ، و في الشهر الفضيل ؟

مين فينا مستغني عن رحمة ربه و مغفرته ؟

مدري وش صار للخلايق بل المسلمين يوم صاروا يستحون من الأمر بالمعروف و النهي عن المنكر في وسائل التواصل و لا يستحون من اللي خلقهم و رزقهم و رحمهم

و فوق ذا بدال اللي تنصحه يرجع و يعرف مقدار ذنبه مع خالقه يقعد يبرر و يقاوم بدون دين او حياء

وش احنا من دون دين و خوف من خالقنا ؟

نحن مجرد قوم اعزنا الله بالإسلام بعد ما كنا اذلاء كلن يدوس علينا و إذا ابتغينا العزة بغير الإسلام راح نرجع للذلة و الدعس