نفساني - عرض مشاركة واحدة

19-06-2018, 03:51 AM

أنا جيت : )

السلام عليكم

هلا بكل من دخل

من شوي طلعت الصالة و لقيتهم ساحبين كيس ورق الزيتون اللي تستخدمه الوالدة الله يعافيها كشاي لتخفيض السكر بدال ابر الانسولين و الحمد لله نفع معها

اكتشفت من فترة إنه يخدرهم و يخليهم يتقلبون و يتسدحون جنبه و تطلع اشكالهم تضحك ، سبحان الله مفعوله على الدماغ نفس مفعول حشيش القطط اللي تباع العلبة منه بعشرين ريال في محل مستلزمات القطط ، فصرت أجيب لهم كمية من ورق الزيتون ارخص من حشيش القطط و افرغها في أكياس صغيرة و اناولهم كيس كل فترة و استمتع بمنظر تسدحهم و تقلبهم و أضحك على أشكالهم

حتى لاحظتهم يطير عقل الواحد منهم على زيت الزيتون و ثمرة الزيتون ، يقعدون يلحسون بقايا الزيت من الصحون و يمصون بذور الزيتون من السفرة و برضه يتخدرون بس مو بدرجة تخدير ورق الزيتون سبحان الله

الفكرة من هذي الأعشاب انها تخلي القط هادي من يوم يشمها و يقدر منقذه يسيطر عليه و يقلم مخالبه مثلا

كان فيه مقطع في اليوتيوب لاستخدام أحد المربين لحشيش القطط و شوفوا منظر القطط كيف يضحك و هم يتقلبون باستمتاع حبايبي حتى توصل الفكرة