المشاركة الأصلية كتبت بواسطة عيون متفائلة

و عليكم السلام



الله يسعدكم أخواني لا تستخدمون فلسفة الإغراق


تغرقون في التفسيرات اللي تزيدكم ألم و تعب و تفقدكم الثقة في أنفسكم



الله أكبر وش يعني يحبونكم الخلايق أو يكرهونكم ؟




الخلايق فيهم العاق و فيهم الحاسد و فيهم الحاقد و فيهم القاسي و فيهم السارق و المرتشي و المرابي و المصلحجي ..



أصغر همي يرضون عني أو يحبوني



المكتئب على الأقل في حاله ، قافل عليه بابه ، ما يتدخل في أحد و لا يستقعد لأحد و لا يغتاب أحد و لا يستغل أحد ، منشغل بنفسه و همومه ربي يزيح عنه ..



أهم شي ربك اللي يحبك و يرضى عليك ، لأن ربك إذا حبك يبي يحبب فيك خلقه و يجونك على خششهم زحف مسخرين ،

إذا حبك يبي يسخر لك الارض من تحتك و الحجر و يطوعهم من تحت أقدامك تطويع كيف يبي يعجز عن قلوب البشر اللي من لحم و دم


ترى الخلايق ضعوف ما يملكون من أمر أنفسهم شي ، ألم صداع ليلة يبي ينسي الواحد منهم حليب أمه .


دور على حب ربك لك و اترك الباقي عليه ، دور على اللي إذا حبك صار سمعك اللي تسمع بوه و يدك اللي تستخدمها ، لحظة أجيب نص الحديث