نفساني - عرض مشاركة واحدة

16-07-2018, 11:25 PM

السلام عليكم و رحمة الله و بركاته

أسعد الله جميع اوقاتكم جميعا بكل خير

سلامتك أختي الغالية لمياء و ما تشوفين شر ، ربي يجعل ما أصابك رفعة في درجاتك و شفاء قريب يارب

أختي أمل لا تخافين قلبي ، قل لا يصيبنا إلا ما كتب الله لنا ، و الرجل سبحان الله غير المرأة ، يظل يكتم همومه و أحزانه لين ينجلط ، غير إنه فجأة لقي بناته الثلاثة قدامه بعيالهن و مسؤول عنهم ، و ظل يكتم في نفسه مع إنه استأجر شقة قريبة منه حط فيها الثنتين الأخيرتين و اولادهما ، تقول كنا الثلاثة بعيالنا كأننا في روضة زحمة و إزعاج ، و عيالهن أعمارهم متقاربة ، تقول ما كنا ننام ، نظام شفتات كل مجموعة من الأطفال يصحون في وقت معين و يصحون اللي في عمرهم ، تقول ما يمدينا نفتح كرتون عصير و الا علبة حليب الا و تنتهي في نفس اليوم ماشاء الله تبارك الله غصب ينجلط ضعيف لقي نفسه مسؤول عن فوق عشرة أفواه جدد غير أفواه بناته

و سبحان الله من يوم استأجر الشقة لبناته انجلط الله يشفيه و بعدها الحمدلله تحسن لكن جاه الزهايمر صار ينسى معظم الأشياء ، هذا كله و ما تجاوز الخمسين غير بكم سنة ، انا فكرته في السبعين الله يعافيه يوم قالت انجلط

مع إن وحدة من اللي تطلقن كان زوجها معها زي العسل ، لدرجة راحت معاه ابتعاث خارجي يكمل دراسته العليا و هي صارت تكمل معاه دراستها و انجبوا ماشاء الله تبارك الله الأطفال ، بس قلب عليها من تالي مرتن وحدة و صار يمد يده عليها لدرجة الكفر ، كسرها آخر مرة بغى ياخذ عمرها و هي تشك إنه صار يتعاطى نسأل الله السلامة ،

لذلك ظروف الناس تختلف ، ما هو شرط يحصل لخواتك الله يستر عليهن و يسخر لهن اللي حصل لغيرهن

لذلك اطمئني حبيبتي

بعدين ترى الواحد بعد الطلاق يصير حساس مرة ، غرفتك اللي ببيت اهلك يوم تدخلينها و انت متزوجة غير يوم و انت منفصلة ، كل شي بعد الطلاق تحسينه مو ملكك و لا لك حق فيه و لو كان غرض من اغراضك

اذا الرجل بعدالطلاق يحس بنفس الاحساس و الحرج لدرجة معظم المطلقين تلقين الواحد يستأجر له خارج بيت أمه لو غرفة لين يتزوج من جديد كيف حنا