نفساني - عرض مشاركة واحدة

17-08-2018, 11:58 AM

يالله حي ابو نجلا وطلعت من الشر الحمدلله ان الركبه تحسنت وان شاء الله من زود لزود .
يووووه يابو نجلا اتذكرك قبل رمضان كيف وضعك متأزم من ركبتك شفت كيف ربي كريم ؟ وشفت كيف كلام امي صح ؟ العافيه شوي شوي انت بس تفائل وبيجي من الله مايسر خاطرك بحوله وقوته .
يشهد الله اني سعيده عشانك بطريق التعافي والأمل .
ودي اتهاوش معك ياخي ليش ماودك تسوي تمرين لعضلة الفخذ ؟ انت تدري ان تمرين الثاي اللي هو العضله الكبيره بالفخذ غير انه يشدها ويقويها هي اصلا تكون ضامره ومرتخيه والتمرين يبعث فيها الحياه والدوره الدمويه ؟ ماني افهم منك بهالشي بس بقولك عن شي ولد اختي تخيل نفسه طرزان يومه صغير وربط ثوبه على رقبته وطلع فوق الشجره يبي يطير وينط الا هو على وجهه وذراعه وينكسر الذراع من النص وسووله عمليه واسياخ وبعد فتره جبر العظم ومرت سنين وكبر الولد ويجي يسوي نفسه شمشون الجبار ويطلع فوق سور البيت ومعاه شاهي يبي يتقهوى فوق السور ويتكي على لمبة السور اثرها مرتخيه ويدبج على الرصيف على نفس اليد اللي انكسرت ويسوون له عمليه ثانيه وثالثه وتحسن شوي ومرت السنين وتخرج من الثانوي وسافر يدرس في بريطانيا وكل مابرد الجو تصول عليه يده ومايقدر يحركها راحت له امه وقالت لازم مستشفى قال الدكتور لاعمليه ولا شي اليد بعد الكسر ضمرت فيها العضلات وصارت ضعيفه ماتتحمل البرد ولا المجهود وسووله برنامج تمارين وعلاج طبيعي كم شهر والحمدلله الحين كنه حصان .
يوووه كتبت كثير كل قصة حياة العايله هههههههه
المهم وانا اختك احرص على التمارين ترى بتزين الحياه اذا صرت تطامر .
ابيك بس تتذكر اليأس اللي كنت فيه ووين كنت ووين صرت صح ؟
يأسك كان مؤلم لكن الحين الراحه مبينه على مواضيعك الحمدلله .
الله يكتب لك في الايام المباركه السعاده والعافيه وراحة البال ويغير حالك الى اجمل حال انه ولي ذلك والقادر عليه ويشفي كل مريض ويشرح صدر كل مهموم يارب