المشاركة الأصلية كتبت بواسطة قطرات الندا

لوليتا حبيبتي عندك اللي اعظم من الكل عندك الله الجأي له ناجيه وازرعي بقلبك اليقين وراخ يكون معاك ويقويك صدقيني مو كلام انشائي ابدا هو الوحيد اللي عارف وشايف قلبك .. على فكره انا ايام وفاة امي وابوي ماكنت شايفه احد من الخلق صحيح خولي بس انا ماني مع الناس ولو تسأليني عن ايام العزا و اول سنه بعدهم كانت مثل الضباب ما اتذكر مين كان موجود ومين كان يحضنني . انا اول ماقال الدكتور عظم الله اجرك كل اللي اتذكره ان ظهري انكسر وفقرات عمودي الفقري زي السيخ نار يحرق فيها فقره فقره وقلبي كأن فيه فتحه بصدري وفيه يد قاسيه دخلت مع الفتحه وسحبت قلبي بعنف ورمته بالارض ودعست عليه . لكن كل شي عدى وانتي كمان راح تعدي ويجيك العوض الجميل اللي ينسيك كل وجع بهالدنيا انتي بس صدقي هالشي وامني فيه وراح تشوفينه بحول الله وقوته .
انثى الجدي لاتتوقعي الجاي شين ابد توقعي الخير وبيجيك الخير وكل اللي شفتيه من الم ترك بنت واعيه واسس فيك قوه وخبره و درع واقي لايكسر ابد .
افتحي الابواب للفرح يا انثى وصدقيني الفرح موجود لكن احنا احيانا عيونا ماتشوف الا السواد .
الله يرزقك اجمل الاقدار بايامك الجايه يارب