نفساني - عرض مشاركة واحدة

08-09-2018, 06:58 PM

اليا ذكرت ايامنا تدمع العين
راحت وخلتني كسير الجباره

حاولت فيها فوق وايسار ويمين
واقفت يمين الحب وانا يساره

خذها غناوين رصيده ملايين
سجلها فله واخوها عماره

وانا فقير وسحت عاطل ومسكين
وبيتي هدام وسد في وسط حاره

ومن قرد حظي مردف الدين في دين
واسهر طوال الليل امز الزقاره

ماعاد ترجع لين ترجع فلسطين
والا يرد امسيلمه في قراره

اتلا العهد معها ثلاثه وتسعين
اول بدايه نارنا من شراره

في شهر اغسطس فأوله يوم الاثنين
قالت فمان الله عند الاشاره

اقفت وانا مصدوم واصفق بكفين
واحس بصدري لهيب وحراره

وياحسين كانك تشكي الحب ياحسين
وتقول ياويلي على شوف ساره

انا ذبحتني مي بالثقل والزين
تردف على غاره وغاره وغاره

لين اقطعت فيني ثلاثه شرايين
واخر قذايفها ترى بالمراره

هذيك روحتها تخل الموازين
وهذيك روحتها تراها خساره

شفني بعدها صرت راعي بعارين
وتركت بيتي واعتزلت الحضاره