نفساني - عرض مشاركة واحدة

14-09-2018, 05:40 PM

عمر عبدالله

أنا قد صدمت واحد بس كان الغلط عليه

كنت ماشي بالموتر في الشارع التجاري عندنا و قطع الشارع من دون ما ينتبه و كان يركض و لما صدمته سَحَل بالأرض و طار

و كان معه أخوياه

هو كان يبي خويه اللي سبقه و قطع الشارع ركض

المهم لما صدمته قاموا أخوياه يقولون يا ملعون وش سويت و يصايحون

أنا ما سمعت لهم همي الأول و الأخير يشيلونه معي و أوديه المستشفى ما لقيت منهم أي تجاوب

قمت أنا شلته لوحدي و حطيته بالموتر و يركبون معي أخوياه

وديته الطوارئ و شالوه و أنا معه المهم أخوياه خذوا مفتاح موتري ظنوا اني بهرب

الحقيقه ما طرا لي الهرب أبدا

كنت عند الدكاترة و الممرضين عند الولد

المهم بعدها جتني الشرطة و أفراد الشرطة كانوا من أخويا المصدوم و كانوا بيركبون الغلط علي و إتهموني إني ناويه و ان بينا مشكلة

المهم تخارجت منهم لما شافوني ما قدروا علي عطوني المفتاح و عرفوا ان الحق معي

جاني الملازم بعدها و قال تطمن

جا أبو الولد عند الملازم و أنا عنده قال وين اللي صدم ولدي

قال الملازم وش تبي فيه

قال أوراقه و إثباتاه ردوها له و خلوه يروح متنازل

قمت أنا و سلمت عليه و قلت له إبشر بالحق

خذيت رقم جواله و بعدها علمت أبوي و قال طيب

زرناه بالمستشفى و هو منوم لين ما طلع و أهدينا له خروفين

و مرت السالفة الحمدلله مرور الكرام

الله لا يجعلنا لا صادمين و لا مصدومين

الحين حطوا قانون و عقوبة لمثل هذي الحوادث صدم المشاة حتى عن غير عمد و فيها سجن و غرامة بحسب التلف في الأعضاء

الله ياقانا شر الحوادث و المصايب

عبق الذكريات ,عبدو عمر معجبون بهذا