نفساني - عرض مشاركة واحدة

28-01-2019, 08:01 PM

من يتذكر المسلسل الجميل ليلة هروب

كنت صغير وقتها ما أذكر إلا لقطة المرة يوم إنها غرقت في البحر

أتذكر أخواتي الثلاثة الكبار كانوا معجبين فيه كنت أشوف وحده منهم لما تتابعه لازم تكون واقفة و تنتف قشر براطمها

كنت أيامها مدمن أفلام السعودية الثانية و ألعب بالمتكى أمتطيه و أحط تحته صحن من صحون المطبخ و أمشي ما أدري وش كان يخيل لي المتكى يا إما سيارة يا إما حمار المهم كانت لعبتي لما يقفلون علي أخواتي الباب لا أطلع الشارع و إذا حالفني الحظ و طلعت الشارع أجيب عصا المكنسة و أسوق به و أفحط به

مثل كذا

يآلله أيام فيها الحلو ليته دام و فيه المر ليته إنقطع