نفساني - عرض مشاركة واحدة

18-02-2019, 10:31 AM

هلاااااااا وسهلااااااا ابو نجلا اسفرت وانورت
بشرنا عنك عساك اشوا
اسامه الجامع رجل رائع وترى عنده عياده بالخبر ويسوي محاضرات دايم هو اخصائي نفسي متمكن في الحلسات النفسيه وطبعا لايصف ادويه ابدا .
ابو نجلا بدون ماتشتري كتاب لتنظيف الروح راح تلاقي فيديوهات كثير باليوتيوب وهالتقنيه اسمها سيدونا وفيه تقنيات كثير عن السول ديتوكس .
اكثر مدمرات واكبرها هي الماضي والصندوق الاسود المغلق وهو العقل الباطن شي عجيب معقد لو تعرف تكنيك عمل العقل الباطن تنبهر بعطيك مثال :
احيانا يكون عندك موعد الصبح وصار الوقت متأخر بالليل ومانمت وقعدت تحاتي موعدك مثلا الساعه تسعه الصبح اذا كان عقلك مرتب راح تصحى ع الموعد واذا كان مشوش ماراح تصحى هذا مثال بسيط كيف يعاندك العقل الباطن ويمشي بالعكس معك اذا كنت مضطرب .
في حالتك ابو نجلا ضروري التخلص من الماضي بكل مافيه عشان تقدر تعيش لكن مشكلتك الماضي موجعك وجع سيطر على خلاياك بقوه .
مقوله لديباك شوبرا ان العيش في الماضي اكتئاب والمستقبل قلق ولكن الصحيح العيش في اللحظه يعني تأكد على عقلك انك هنا والان .
فلسفه طووووويله عن النفس البشريه وعميقه جدا ويحتاج تدريب وترويض للنفس ماهي فقط قراءه هي تعامل وشعور ويقين بأن الله قادر على كل شي والايمان بأن كل ألم راح يزول ايمان حقيقي وليس كلام تصبيره .
الفرق بيني وبينك ابو نجلا ان ما افتكر من الناضي الا كل شي جميل والسيء تلقائيا عقلي يحذفه ومايخزنه .
كنت اشوف مقابله لشخص مابي اذكر دينه يقولك طفولة الانسان هي من تحدد ان يكون سعيد او شقي ومابعد الطفوله اي احداث سيئه تمر راح تعدي بشرط ماتوقف عندها ابدا وهذا حقيقي .
والله ماصرت اسوق لي فتره زهقت انا مشكلتي الاساسيه اني انسانه ملوله ازهق بسرعه وهالفتره ماغير متعلقه بكلبة صاحبتي اوديها العياده واشتري لها ملابس والعاب هههههههه
مؤتمر وارسو ماتهمني السياسه اهم شي عندي وطني يكون بخير ومنتصر واعذرني ماعندي شعور الايثار للعرب لاني بالاونه الاخيره ماشفت منهم شي زين من الخليج الى المحيط .
وطني اولا وثانيا وثالثا .
وبصراحه انا انانيه جدا بحب نفسي ووطني .
انت بالفعل يابو نجلا شخص معطاء جدا واللي اقصده في الاعمال التطوعيه الممارسه وليس العطاء المادي فقط يمكن زيارتك لأحد دور المسنين تعطيك شحنه ايجابيه ماتتخيلها لكن كفالة اليتيم كل شهر ترسل مبلغ ان شاء الله يلحقك اجرها لكنها ضعيفه على مستوى النفسيه من اجمل العلاجات النفسيه هي المشاركه تخيل رحت لدار ايتام وخذت لك كم هديه لكم طفل وقعدت معهم ولعبت معهم وانت طالع يتعلقون فيك ويحضنونك وينادونك بابا او رحت لدار مسنين وسولفت مع كم شايب وانت كالع يدعي لك ان الله يسخر لك خلقه هذي من اجمل الاشياء .
طولت انا عليك لكن احاول اوصل لك نقاط يمكن تلقى فيها حل وراحه ان شاء الله .
واعذرني كاني نسيت شي توي صاحيه ولي رجعه افصفص ردك هههههه