المشاركة الأصلية كتبت بواسطة أبو نجلا

الله يعينك و يشفيك و يقويك يا إبتهال يا غالية

الحمدلله إني سليم من الهلع و لا أعرفه و الله يشفي كل مهلوع شفاءا عاجلا

و عساك على القوة دوم يا إبتهال و يلهمك سداد و توفيق و يسلمك من كل شر و لا يورينا فيك مكروه

و الله يا بنت الحلال

مالنا سلطة ع المزاج المزاج هو السيد اللي يقودنا للحزن أو للفرح

صار زين أبركها من ساعة
ما صار زين وش أسوي مالي إلا أرضخ له و سيد الموقف هو و الحزن هو أغلب حياتنا و الله مو بيدنا أبدا

أتذكر المراهقة اللي مرت علي يا هي دمرتني تدمير و أقسم بالله كنت أتنفس من خرم إبرة و بكاء و عزلة و ثيابي مقطعة و مغبرة هذا غير غرابة التفكير اللي ملازمني إلى الحين

وقتها كثير أولاد كانوا يتقربون مني و أنا أبتعد منهم ما أريد أي أحد لأني مشغول و تصوري مشغول بإيش
مشغول بالهم و الغم و الحزن و الكآبة و الخوف الله المستعان و المشكلة أهلي ما عمرهم اللي فيهم قاللي أنت يا عالي محتاج للعلاج بالعكس صادموني و زادوا همي همين و بدال ما يكون البيت مصدر آمان بالعكس صار مصدر حرب على حرب

أعوذ بالله ما حبيت أتذكر سن المراهقة و أسترسل بهذا العمر اللي ذوقني المر

أنا متحسف ع المراهقة اللي عشتها لأن هي تعتبر للإنسان من الفترات المفصلية بعد الطفولة و أنا لا ذي و لا ذيك مع إني أتذكر لحظات حلوة بالطفولة ياه ودي ترجع متحسف عليها والله

بس و الله غلط إني أتذكر آلام الماضي
الماضي رحل

لنسى الماضي لننساه فهو لن يفيدنا أبدا

إبتهال أنت عرجتي على الرقية عرجتي يعني طرّيتي :) و الله يسلمك من العرج و يشفي مَن عَرَج

بالله صبي لك الكيف و إرهي لي من الدلة البن الأشقر يداوي الراس فنجاله :)


أقول عرجتي على الرقية
الحمدلله اللي وفقني لحفظ كذا رقيات

و بالعافية عليك الجبن و المخلل يا حلو النواشف جبن و لبنة تركية و زيتون و مخلل

تصدقين قبل شوي رحت المطعم الهندي و تغديت فيه يمي يمي رز أبيض مع صالونه و مرقي مع بسكوتهم المدور و بعدها مريت على قهوة الطريق و طلبت لي إسبريسوا مخمخ راسي :)

أنا رائع و الله من روعتك يا إبتهال يا بعد راسي عسى الله يجعل حياتك كلها روعة و يعطيك طولة العمر و الصحة و العافية ربي يسلمك




هههه الدلة شكل كبرها كبر الطلي :)
قهوتك دايمة يا السنعة

يمي يمي شي خيال العريكة :)

بس أعجبتني و أنتي دايما تعجبينا
أعجبتني "حي من يقدم و لا يحسب حساب الظروف
صح لسانك و قلبك يا إبنتهالوه

أبو حميد وينك يالغلا منتظرينك على أحر من الجمر :(



يالله حي الرجال النشمي كيف أحوالك يالغالي

و الله إنك بالبال يا عسى دربك خضر و سماح

الله يسعدكم جميعا أحباب قلبي الغالين