نفساني - عرض مشاركة واحدة

21-06-2020, 09:29 PM

السلام عليكم ورحمه الله وبركاته

شحالكم يا اخواني عساكم طيبين ياجماعه انا شخص وبتكلم بكل صراحه انا كنت مدمن مخدرات من عمري 20 سنه والان موقف من شهر 12 اللي طاف الحمدلله ولي خلاني اوقف زاني مولود بعد زواج دام سبع سنين وتعرفون كنت مدمن وسلمت نفسي للشرطه من خاطري ابا اوقف لاني كنت داخل ف العميق جدا من هروين ومورفين وشبو وكل نوع واهلي ماقصرو معي واسال الله ان ان من وقفتهم معي ان يكونون من اهل الجنان يارب وكل مسلم المهم سلمت نفسي للشرطه وطبعا قامو الشرطه بادخالي لمركز التاهيل الوطني لعلاج المتاعطين طبعا هذا الكلام قبل ان ياتيني المولود المهم تعالجت ونزلت من التاهيل متعافي شهر 6 لي طاف لاكن ماصبرت ورجعت مره ثانيه معا ان كل سبوعين فحص بس كنت اتعاطى وانظف عشان الفحص وعلى هكذذا الين قبل يرزقني المولود جا دور الفحص ومانظفت ولا رحت له وسو علي تعميم سلمت نفسي بعد مانظفت وحكمو علي بسواره بالرجل لمده سنه واتاني المولود ولله الحمد من بعدها ماقربت شي من المخدرات اببدن طبعا محبوس بالبيت وكذا وصابر والتاهيل يعطوني دوا لاكن ادويتهم ماتشتغل واكثرها حق نوم من شهر 3 قمت افكر فيها الين الحين قمت اروح عياده نفسيه يصرفون لي زنكس وهذي الشغلات لن شغله الادمان والتعافي مو سهله تجيني قلق واكتئاب وتور وعصبيه وماحصلت الا الشغلات هذي تهديني لاكن يوم وقفت اصبحت مدمن واعراض انسحابيه جتني وفكرت ان مافي طريق يبعد هذي الاعراض الاا المخدر لاكن الى الان ماسك نفسي الحمدلله بس كل ماروح مستشفى اقولهم فيني اعراض يعطوني ادويه مالها داعي يالربع عطوني دوا ولا حل سريع للاعراض لي انا فيها قمت اجلس بغرفه لحالي عشان اهلي مايشوفوني وهم تعبانين والله اني تعبت واهلكتني الشغله هذي وانا سبب نفسي لاكن والله ورب العباد ان مارجع لها بس ابا دوا يبعد عني هذا لي فيني ومايخليني قدام اهلي في وضعي هذا بيقولون رجع للهروين وهي مب هروين زنكس ماتوقعت تجي اعراضها كذا

المصدر: نفساني