ابو عبدالرحمن ا

بيانات اضافيه [ + ]

رقم العضوية : 61089  تاريخ التسجيل :  07 2020  أخر زيارة : 11-12-2020 (09:38 AM)  المشاركات : 5 [ + ]  التقييم :  10

لوني المفضل : Cadetblue

تكفون الفزعة

السلام عليكم ورحمة الله وبركاته...بداية اعتذر عن ازعاجكم واشكركم على اقتطاع جزء من وقتكم لقراءة رسالتي...عندي اخوي .. تعب علينا قبل تقريبا سبع شهور كان وقتها ياخذ ابرة الانفيقا وقطعها ورحنا لمستشفى الامل وقررو تنويمه عندهم ...قعد عندهم تقريبا ثلاث شهور ونص وطلع عندي في البيت من وقتها له عندي الحين اربع شهور تقريبا وصفو له مجموعة علاجات
ليبونكس ثلاث حبات ...ريدون٢ملجم حبتين ...ديباكين حبه ..اربينيا ١٥ ملجم حبه صباحا... كوجنتين ٢ ملجم حبه صباحا ....المشكله يا جماعة الخير ان الولد طايح من يوم طلع من المستشفى على طول منسدح ما يتكلم متضايق مكتئب طبعا انا اشوفه تعبان ...أسأله كيفك اليوم يقول كويس...مااخفيكم سر يااحس التنويم ضره مانفعه...الولد صار يقول انه كويس علاشان مايرجع وينومونه...وفي كل مره اصبر اقول خل العلاج ياخذ مفعوله والحين قربنا على الشهر الخامس ووضعه ماتغير لازال منطوي مهموم حزين وشرب شاي ودخان بطريقة جنونيه..طبعا ماهو متقبل فكرة العلاج ودايم يردد تبغاني اطيب خلني أترك العلاج .ودي بدون أمر عليكم تشورون علي في ادويته هل هي مناسبه له هل هي سبب خمدته الدائمة ...طبعا رجعته لهم أكثر من مره كانو يعطونه سيركويل مع المجموعه هذي وفي الاخير يوم ماكان فيه تحسن قالو وقف سيركويل واستبدلوه بالديباكين مع حبوب ثانيه صغيره...لكن الرجل لازال تعبان أملي في الله ثم فيكم الي عنده خبره او تجربه ...وهل نقدر نرجع عالابره الي كان يأخذها اول فلونكسول او الانفيقا...هل سيتاثر من ترك العلاجات هذي والبداية بعلاج جديد...تكفون تكفون تكفون

المصدر: نفساني