|
سألتكم بالله ادخلو . الوسواس يطاردني دمرني تماماً
السلام عليكم
بدخل ف الموضوع على طول لاني تعبانه لدرجة فضيعه
تكفون ركزو معاي واقروا موضوعي بتمعن احتاجكم مره
انا قبل 8 سنوات ضاع لي ميموري (ذاكرة) صور
وكان فيه صور لي واشياء خاصه فيني المهم بغيت اموت اقسم بالله من الغبنه والقهر والوسواس
من بعدها اصابني وسواس قهري شديد
هذي الايام كل مارحت مكان عام احس اني ضاع لي ميموري فهمتو علي
يعني اساسا ماعندي ميموري بس من شدة الوسواس صرت اصدق ان عندي شفتو كيف الجنون !
يعني اذا رحت مثلا مطعم وخلاص جينا بنطلع اقعد افتش مكاني يمكن عندي ميموري وبيضيع مني
واذا رحت اي مكان واذا جيت اكب شي ف الزباله لازم افتشه زين اقول يمكن ميموري برميه بالغلط وانا ما اذكر اساسا ان عندي ميموري فهمتو علي؟
خلاص مرضت اقسم بالله صار هالكابوس يطاردني شي فوق الخيال
وكم مره امرض وافكر واصدق انه فعلا ضاع لي
انا انجنيت
حياتي بتتدمر والله
وزيادة على كذا عندي وسواس التحرش في الاطفال
يعني اخاف اني اتحرش في الاطفال وابتعد عنهم واتجنبهم
مع انو فطرتي سليمه الحمدلله بس كلها مخاوف وافكار
وتطور الوضع صرت اتخيل سيناريوهات اني تحرشت فيهم
والطاااااامه اني اصدقها تخيلو
وضعي صعب جدا
والله اني اتمنى الموت
صرت احس اني انسانه نجسه وخبيثه
ادعولي تكفون ضاقت فيني ورب البيت
وفسروا لي حالتي
وانصحوني انا طالبتكم
قسم بالله ذقت الويلات من الوسواس
وانا لله وانا اليه راجعون
|