|
ارجو من الاطباء النفسيين الرد بسرررعه عن هذه الحاله (حاله اختي الغالية)
لسلام عليكم ورحمه الله وبركاته.....
مادري حطيت موضوعي هنا ولا ادري ما المكان المناسب له
بس ابي رد بسرعه....
....ارجوكم....
انقذوا اختي والله انا حزيييييييييييييييينه مره منها
كله تقول انا اخرتي باعالج عند نفسانيييين انا بامرض نفسيا
...........اختي عايشه مع اهل زوجها والبدايه كانوا امه وخواته حاطينها مثل الاخت واكثر بعد لها الراي من ضمنهم دايما...
وصار لها الحين 6 سنوات من تزوجت اول سنتين عدله وحلوه
من عقبها صارت مشاكل مع اهل زوجها لاتحصى ولاتعد
تزوج اخو زوجها بالبيت معاها وصارت زوجته الكل فالكل وهي ماتتعدى قسمها
(اللي يتكون من حجرة لها وحجره لبناتها وحمام )...وياويل بناتها اذا لعبوا بالعاب البيت
ينضربون ضرب الشر ويردون للملحق ينحبسون مع امهم..لدرجه بناتها يقولون (ماما ليش عماتنا ما يحبوننا)....
وامهم تنحبس لانها ماتبي مشاكل معاهم كل ماطلعت ينهالون عليها بالسب والشتائم
وهي من البدايه لين الحين ماترد ابـــــــــــــــــــــــــدا.
بس انا احس الحياه موحلوة بالحبسه الله يعينها...
والبيت اللي هم فيه بانيه زوجها (اكبر ابناءهم)وسكنوا معه كلهم ومن يوم سكنوه والمشاكل الى مالانهايه .....وكل ماقالت لزوجها خلنا نطلع بيت ثاني عشان نخلص من المشاكل .... يقول لا اصبري .. اصبري اصبري... وهو يعلم بكل المشاكل.. ويهددها بالا ترد على احد منهم وان تطاولوا بالرد عليها....يعني يعيشها في ذله...
ام زوجها مسالمه بس من كثر شكوى بناتها صارت بصفهم اكثر..
***
اختي تقول احيانا ودي اتطلق وافتك منه ومن هله لاني ماهميته...
وقالت لي اليوم شوفي اعراضي بموقع نفساني هل هي تدل على وجود حاله نفسيه
واين افضل دكتور نفساني عندنا في قطر؟؟؟؟
***
قلت لها يمكن يكون فيك عين او سحر قالت سبق وقال لي احد المشايخ ان فيني سحر وانا لا اريد العلاج عن طريقهم لانه بيطول وبيتعبني...
***
واعراضها:
-تحس احيانا انها تتخيل انها ترد على اخوات زوجها ولا تنتبه الا وهي تتكلم بقهر وبصوت عالي وبناتها والخادمه يلتفتون اليها.
-تمارس احيانا نوع من تعذيب الذات مثل ان تحرم نفسها الاكل وتتعب نفسيا جدا جدا
-اذا اتى موعد نومها تودع بناتها و تيقن بانها ستموت وترتاح من هذا العذاب وذلك شبه يومي.
-تبكي بكثرة..
*************
ارجو الرد بسرررعه هل تعرض نفسها على د.نفسي؟؟ وما رايكم بالاعراض؟
وما الحل من جهتكم؟؟؟الطلاق مثل وجهة نظري لها ام......هناك حلول؟؟
************************************************** *
|