نفساني - عرض مشاركة واحدة

25-05-2005, 03:12 AM

مافيه شي على وجه الارض يخليني ما أقول لحبيبتي احبك وادلعها والااعبها واقص لها قصص قبل ما تنام مافيه شي الا ان كاني ماأعترف بالمشاعر هذي او اني اشوفها سخيفه؟؟
اغلب الناس يقولون الحب ماهو بقول كلمة احبك..
الا الحب بقول كلمة احبك اجل بوشو؟
من يشعر بآلامك ودموعك
من يتمنى بسمتك
من يسمعك
من يكون موجود مجرد الوجود وقت حاجتك له
من يعطيك الاحساس بالامان
من يكتفى بك عن نساء العالم
من يثق بك
يحترمك
يفتخر بك
من يفضل مصلحتك على مصلحته
من يضحى من أجلك
من يغفلا أخطاءك..
ان كان يسوي لي كل هذي وما يقول لي احبك فهو انسان يحب الحب ولا يحبني ..
نصيحتي لك اختي ..
لاتحاولين في خطيبك اي شي ولا تحاولين تصلحين فيه شي لانه هو كذا وش تبين تصلحين ..!؟ طبعه..!؟
شوفي الانسان اللي امامك واعرفي انه هذا هو مع نفسه كذا ..
ياتقبلينه او ترفضينه.
لايطري على بالك انه راح يتغير او انك ممكن تغيرينه.
مثال:
تخيلي لو انك خطيبك يشكي منك عند احد من اخوياه؟
يقول خطيبتي بس عايشه بعالم من الحب وبس تبيني اقول لها احبك ياأخي عقلها صغير تحسب ان الحياة الزوجيه فقط كلمة احبك...!؟
فقط تخيلي؟ انا اعرف احساسك واعرف انك منتي سطحية بس هو فكر كذا؟
ورد عليه صديقه قال ما عليك حاول تغيرها بعد الزواج وتفهمها ان الحياة جاده واني ماأقدر اعطيك حنان كل يوم لاني ماني فاضي وعندي امور اكبر كبيرة من كلمة احبك..!؟
هل فعلا راح يغيرك......!؟
اذن ماراح تغيرينه...!؟
أختي..
في عزيمة كبيرة تحضرينها فقط حاولي انك تميزين الجالسات قدامك وكيف كل وحده لها طبع.
اعرفي ان كل مرأه في هذي الدنيا فيه هناك رجال مثل هذي المرأه.
ان كنتي فعلا تريدين الاجابه عن سؤالك جاوبي بكل صراحه عن سؤالي:
تخيلي ان وحده من خوياتك انخطبت اوكي؟ وسوت هي مثل ما سوى خطيبك معك..!؟
وش راح تبين تقولين عنها...!؟ ماعندها سالفه خطيبها قدامها وهي بارده ..!؟
او راح تقولين راح احاول اغير فيها وراح وراح...!؟
لاتاخذك العاطفه بانه خطيبك وممكن تصلحينه.. نصيحتي لك ان كانك فعلا انسانه حالمه محبه حنونه تبحثين عن من يلعب بشعرك على البحر وتسولفين معاه بكل أمان الارض قبل حنانها ففكري قليلا..

الرجال انواع والحريم انواع والغبي من يقف حائرا امام الاختيار..
مشكلتنا ان شفنا انسان مايحب او فيه طبع مايجوز لنا نحاول نعدل فيه طيب ليش..!؟
هذي حياته وهو حر فيها خلاص انت ما جاز لك هالانسان رح دور على غيره ولو كل واحد عاش مع نفسه مثل ما يعيش مع الاخرين ما كان احتار بعضنا .
انا انادي مرتي اقولها : ماما .
كيفي