الجوري11

بيانات اضافيه [ + ]

رقم العضوية : 9710  تاريخ التسجيل :  09 2005  أخر زيارة : 27-09-2005 (02:21 PM)  المشاركات : 5 [ + ]  التقييم :  10

لوني المفضل : Cadetblue

الاخصائيه نوره ... شكـــرا من القلب لسرعة استجابتك لندائي.. ماتتخيلين شكثر كلماتك تعنيني..

قلتي ( ما آلت أليه العلاقه فهي مسئوليتكن بالتساوى وليست الواحده دون الآخرى.)
فعلا غاليتي انا اعترف لك ان المشكله بسببنا احنا الثنتين.. وقلت لك هذا في موضوعي انه انا كتووومه..
وانا والله مااحملها المسئوليه كامله نهائيا.. بالعكس والله اني احبها وواثقه انها تحبني .. لكن ماادري ليه هالفجوه اللي بيننا..

بعدين انتي قلتي (والغريب أنت لم تستطيعي ان تحدثي أختك مباشرة بما يزعجك من تصرفاتها،لكنك تطالبيها أن تأتي وتحادثك وتصلح مباشرة وليس بالرسائل..اليس هذا يعتبر ازدواجية بالموقف؟؟؟ )
دكتوره انا قلت لك سبق كلمتها من فتره طويله بسبب مشكله قريبه من هذي .. بس مالقيت منها التفاعل اللي كنت اتمناه تدرين انها سبق وقالتلي انتي معقده ؟؟؟؟؟؟؟؟؟؟؟
اقسم بالله اني مااستاهل هالكلمه .. وكل اللي ابيه منها تعاملني كاخت فقط تحبها وتخاف على احساسها .. مثل ماتحب صديقاتها وتفقدهم لما يتاخرون في اتصالاتهم ... وانا بعيده عنها شهررررر كامل ومو فاقدتني !!!
دكتوره تتوقعين اني مافكرت اكلمها ... لاوالله فكرررت كثيير لكن ترددت تدرين ليه؟؟؟
لاني خايفه انو دمعتي تنزل لما اكلمها ومو خايفه بس الا متاكده .. وهذا الشي اللي مستحيييييييل ارضاه لنفسي .. لانها يمكن ماتقدر هالدمعه وتتوقع انها نزلت ضعف مني .. ياريت تفهموووني .. ليش انا اللي دايم ادور عليها ليه هي ماتدور علي ...

(اخيراً..اعتقد جلوسك في البيت والفراغ والملل ساهم في فتور تلك العلاقه مع اخيتك )
انا صح تخرجت من الجامعه لكن ماجلست بالبيت ابدا أخذ دوره ومشغله وقتي .. ومع ذلك حاسه بالملل ..

(أذهبي ,اعدي قهوه وناديها واجلسي معها وأبدئوا بحديث من القلب للقلب..اخبريها كم تعني لك... وكم تفتقديها وتفتقدي صداقتها )
اتمنىىىىى يادكتوره من كل قلبي .. اني اقدر اسوي اللي طلبتيه مني .. لانه فعلا عجبتني الفكره وتخيلتها عالواقع ماتتصورين شكثر استانست .. لكن ارجع واقول اخاف مااقدر اوصلها اللي بقلبي او مااقدر افهمها اللي ابيه .. انا اعترف انه ماعندي اسلوب ولا قوة الاقناع .. اخاف مااقدر اوصل لها اللي بقلبي بعدين اندم اني حطيت نفسي في هالموقف .. ساعديني دكتوووره وش اقولها بالضبط ؟؟؟
اعذريني دكتوووووره طولت عليك .. بس والله ارتحت لما كتبت الرساله وحسيت فيه احد مهتم بموضوعي ...
شكـــــرا من الاعماق مرره ثانيه دكتووره .. ولاتحرمينا من نصائحك وتوجيهاتك...