surrender

بيانات اضافيه [ + ]

رقم العضوية : 10914  تاريخ التسجيل :  11 2005  أخر زيارة : 12-11-2007 (05:29 AM)  المشاركات : 15 [ + ]  التقييم :  10

لوني المفضل : Cadetblue

السلام عليكم

بالنسبه لرايي انا
اغلب الحريم ف السعوديه مظلوومات وانا كنت منهم
ولدت وتربيت ف السعوديه
كل ماابي اسوي شي يقولون لا انتي بنت ماتسويين هالشي
كثير شغلات انحرمنا منها
وبالنسبه للسواقه انا اشوف انه لازم البنات يتعلمون السواقه
متخلفين اللي يمنعون السواقه للمراه

اوكي انا عشت ف السعوديه وبقلكم الوضع اللي كنت اشوفه عند اغلب الناس
البنت ماتطلع من البيت الا بالقووووووووووه واحيانا بعض الازواج مايسمحون لحريمهم يدشون مطاعم حتى لو قسم عوائل بحكم انه فيه رجال واعرف كثير حريم من هالنوع
ويمنعوهم من شغلات وااااااااايد

انا انا بنفسي اهلي كانوا يمنعوني اطلع من البيت الا نادر
حتى لو بغيت شي وربي انذل لين يجييني لاني مقدر اطلع برووحي واشتري الاغراض اللي اريدها
مثلا اذا بغيت شي من الدكان كابسط مثال
مستحيل اهلي يخلوني اسير ع الدكان برووحي واشتري
لازم اسير عند احد اخوي واتشحت منه وبعد مايذلني ممكن يرضى وممكن مايرضى او يرضى بمقابل اخدمه او اعطيه فلووس ومن هالكلام
اما لو اني اقدر اطلع جان ماذليت نفسي عند اخوي

وجي اغلب البنات اللي عايشات ف السعوديه

يعني حتى افتكر وحده من ربيعاتي سعوديه تحكيلي ان ابوها يعطي اخوها اللي اصغر منها عيديه ضعف مايعطيها اهي ..ليش؟؟
يقول(وللذكر مثل حظ الانثيين) هذا وابوها امام مسجد مايعرف يطبق شرع الله ولايفهمه على مااظن
ويوم اخوها يضربها يقول ابوها سمعي كلام اخوكي اهو الرجال
تو هاي عيشه!!!!!!!!!!
تنذل تنضرب ف البيت بس لانها بنيه
بجد ظلم وااااااااايد
واعرف وايد بنات مظلوومات بس عطيتكم كذا مثل لوحده من ربيعاتي اللي ف السعوديه

انا اعيش ف السعوديه بس حاليا متغربه ف دوله غير عربيه للدراسه ووايد مرتاحه فيها اقلها مايجيني حالات اكتئاب مثل ماكان يجيني يوم كنت ف السعوديه من زود الضغط وقعدة البيت

واسفه ع الاطاله

اه وبالنسبه للحرمه اللي تعرفيها انا اقول لو تعيش برى وايد ازين
لان حتى ف السعوديه فيه فساد
بحكم ان كثره الضغط يولد الانفجار
ولو تبي تخرب البنت بتخرب ف اي مكان ف السعوديه والا برى

تحياتي