حسبي الله ونعم الوكيل

وين الشيمه ياسعوديين ياخليجيين ياعرب يامسلمين!!

زواج مسيار ..انا اصفه بأنه غير انساني ..

انسانه اخبيها ولاااعترف فيها ولااكون مسؤل عنها ولاقائم عليها اجل وش حاجتك فيها ..

حاجه غير انسانيه

الشرع محلل اربع ..والزوجه اشرف لها تتزوج عليها زواج عادي بدال المسيار طالما انه حاصل حاصل..

ماراح افتي واقول حرام

لكن اي رجل واكرر رجل وليس ذكر ..مايرضى على نفسه زواج المسيار..

لكن في زمنا كثروا الذكور وليس الرجال

تذكروا لكم اخوات وبنات زوجوهم مسيار قبل تتزوجون

وعلى فكرة نفسيآ نفسيآ..الرجل الشرقي عمومأ والسعودي خصوصأ مايتقبلون المرأه الي ترضى

على نفسها زواج مسيار وشوفوا النتيجه..نهايتها طلاق واطفال حتى غير معترف فيهم كأنهم اولاد حرام!!

صار الواحد يمشي ويتزوج ..قريت بالجريده واحد متزوج 6 مسيار ومستمر كل فترة يتسلى بوحده

والمشكله طايحين فيه قليلين الدين والملتزمين

عمومآ الرجال الامن رحم ربي ..مايذكرون الشرع الا عند التعدد وزواج المسيار !!

لكن الزمن صار مؤلم بكل شي راحت الانسانيه والشيمه والاخلاق

تمنيت اعيش بزمن الرسول اللهم صلي وسلم عليه

او عالاقل زمن الاولين زمن الشجعان الاوفياء زمان راكان بن حثلين.. ونمر بن عدوان.. زمن الرجال..

وبالنهاية لحد يهاجمني على ردي..

انا متألم للقصص اللي اسمعها ..وفيه بالمنتدى اعضاء فاضلين مانزكيهم على الله

لكن انا اقصد بكلامي الجيل الجديد(الامن رحم ربي)وانتم ماتخالفوني اكيد مع ان الخير موجود..لكن الشر غالب..وهذا يؤلمني..

والرجل بالنهاية هو الاب والاخ والزوج وهو السند والعزوه بعد الله..لكن اللي قلته خيبة امل من التغيير الحاصل في تعامل بعض الرجال..

وسلامتكم..