نفساني - عرض مشاركة واحدة

15-12-2006, 09:12 PM

اقتباس:

المشاركة الأصلية كتبت بواسطة داليا غ

بعد مرور اكثر من شهر على وجودى معكم وثقتى التى زادت فيكم .......زز
اتمنى منكم وكل من له تجربه شخصيه ان يقول ما بباله عن الموضوع التالى سواء عن تجربه او فكره جديده
انا طبعا عندى شك فى كل الرجال (من غير زعل) بس هل ممكن ان الرجل يكون صادق فى مشاعره وهل ممكن كمان يكون طيب اوى ولا ده كده بيخبى ورا الطيبه حاجه؟؟
طيب لو كنت مش قادره امسك على الشخص ده اى خطا هل ممكن يكون ملتزم او يكون حويييييط حبيتين
وكمان هل تربيه البنت اما بتكون فى مستوى اعلى من الى هيا مرتبطه بيه ممكن يعمل ازمه مش ماليه لا اجتماعيه
طيب اذا كانت البنت طيبه جدا وحساسه مبتعرفش تاخد لا حق ولا باطل ونفسها تسجل اعتراض على موقف تعمل ايييه
ايه كل الاسئله دى معلش وجعت دماغكم بس ارجو منكم الافاده

بداية
الرجال فيه منهم الطيبين اوي و منهم اللي عاوزين وسام التمييز في فن تثبيت الزوجه و تسميرها (مصطلح شبابي مصري )

الشك ليس مطلوبا في اي علاقه
و انما الحرص و الحذر و هناك فرق
طبعا لا ينبغي ان تضع البنت نفسها في اي موقف ممكن يسيء لها ليس شكا في الرجل و لكنه مبدأ الحيطة و الحذر
كما ان المتهم بريء الى ان تثبت ادانته
و دائما و ابدا مفيش دخان من غير نار

ضحكت اوي لما قرأت كلامك مش عارفه امسك عليه حاجة
ههههههههههههههههههه
انتي شكلك ماشيه تراقبيه

عموما مش شرط انه يكون ليه اي تجاوزات او مخالفات و لكن الحرص واجب

و عشان التجارب الشخصيه زي ما قلتي
انا هاقول لك نصيحه قلتها لزوجتي
بعد الزواج بيكون الرجل ركز و هدي و عرف راسه من رجليه و اصبحت حياته منظمه اكثر من الاول
و الطبيعي انه بيكون عنده التزام ادبي تجاه زوجته بمعنى انه لا يتأخر عليها و انه بيتغدى في بيته
و من البيت للشغل و العكس
فغالبا في حالة هذا الشخص بيكون غالبا اذا لم يكن قبل الزواج لافف و داير بيكون الخطر منه قليل
اما لو انه كان مقطع الدنيا
فهنا بيكون الخطر من الاتجاه القريب ده في حالة انه زي ما قلت عنده التزام عائلي و معروف مواعيد دخوله و خروجه
الخطر من الاتجاه القريب بمعنى صديقات الزوجه و المقربين لها

اما اذا مواعيده ملهاش اول من اخر و كل يوم حجج فاضيه و لف و دوران
هنا عاوز واحده مفتحه تراقب الموقف في صمت لحد ما تكتشف فعلا حاجة غلط
بس المهم انها تكون اكتشفت حاجه فعلا
اما مجرد الشك
و كل يوم رايح فين و جاي منين
دي تبقى كارثه و تسبب مشاكل كتير

اما بالنسبه لموضوع التفاوت المادي و الاجتماعي ده يعتمد على تفتح الزوج و ثقافته و عدم حساسيته
بالاضافه في نفس الوقت طموحه و تحقيق ذاته
ممكن يكون لا يمتلك مدخرات سابقه لكن يعمل بعمل جيد و مجتهد و يوفر لنفسه و لزوجته مستوى معيشي متميز يذيب الفوارق و لا ينظر احد لارصدة البنوك و لكن لمستوى المعيشه الحاليه
هل مكفي بيته و الا لا

و الطيبه مطلوبه في البنت لكن كمان الرجل بيحب يلاقي في زوجته العقليه المفكرة المثقفة القادره على التحاور و ابداء الرأي و ان يكون لها وقفه عند الخطأ
و لا يجب ان يشعر اتلرجل انها اصبحت مثل قطعة الشطرنج لانه في النهايه سيلغي شخصيتها نهائيا

النقاش مطلوب و الحوار
و الاختلاف في الرأي امر عادي
و لكن بشرط طريقة التعبير عنه
و لا تنسي شخصية المرأة يجب ان تكون مستقله
وليس معنى هذا انه يجب ان تطغي على شخصية الرجل و لكنه يجب ان يعلم ان لزوجته الفكر و الرأي مثل ما ماله ايضا و النقاش مفتوح طالما في حدود الاخلاق و الادب في الحوار
اما ان كانت قرارات مصريه فبعد النقاش
اما ان تقتنع الزوجه
او يقتنع الرجل
او يتمسك كل طرف بموقفه و في هذه الحاله للرجل الحق في اتخاذ ما يراه مناسبا لانه قائد السفينه و هو من سيتحمل تبعات قراره هذا

و عموما انا منتظر الردود و خصوصا الاخت بائعه متوقع منها مداخله قويه