نفساني - عرض مشاركة واحدة

31-12-2006, 05:00 PM

بالنسبه لاول واحد
اول كنت اطلع مع امي السوق
اذا رفضت ذوقها بس الحين انا اكره الملابس بشكل عام واكره السوق
واخر مره رحت تعبت نفسيتي صارت تعبااااانه حيل جسديا ونفسيا
حرمت اروح السوق بعدها
بس انا اقصد الاشياء الي اشتريها
مثلا اطلب منها بدل الملابس روايات
او اطلب منها تشتريلي شئ مثلا جاكيت للمدرسه وترفض

فما سبب هذا السوء بالعلاقه ؟؟
مااعرف كل الي اعرفه انهم يكرهوني
وخصوصا امي ودايما تفضل خوتي علي
احاول اتقرب منها بس ماتعطيني وجه
اول كانت هي تحاول بس انا الي ماارد لان كانت نفسيتي تعبانه

وتخافين الناس ،، فبماذا تشعرين حين تقابلين الناس ؟؟
كل ناس لهم شعور اخر
بس بجمع جميع المشاعر هنا
قلق اكل اضافري لا اراديا
خووووووووووف كبير
كابه وضيق وملل غير طبيعي
وبصراحه خوفي مضطرب خصوصا بالمدرسه
مثلا لما اكلم معلمه واكون مضطره لااني
احاول دايما مااكلمهم
احس بخوف غير طبيعي ارتجف اتعرق خفقان
الم بقلبي
وبالنسبه لخوفي من معلمه بحد ذاتها لااني
العام كنت قايله لها عن مشكلتي بعدها طلعت باجازه
رغم انها ماجلست معي الا 3مرات تقريبا
فاانا من اشوفها من بعيد اشهق اصرخ
مااقدر اشوفها اغير طريق مشيي
تنقطع انفاسي واتجمد يوجعني قلبي مرررررره
خفقان غير طبيعي خصوصا الم قلبي احيانا يطول 10دقايق تقريبا!
ارتجف تتجد رجولي وتوجعني حيل مااقدر امشي
دوار غير طبيعي لدرجة اني احيانا زي الي يغمى علي
بس انا قلت بواجهها علشان اثبت لنفسي ان مافي سبب يدعوني للخوف
صرت اروح اعطيها قصص كاتبتها انا وتعلق عليها
بس تجيلي هذه الاعراض خصوصا لما انتهي منها تزيد بس لما اكلمها اقنع نفسي اني بحلم ولما اذكر بانها امامي مره اتعب
بعدها خذت اجازه اسبوع جات اخر يوم قبل الاجازه ونفس الشئ
نفس الاعراض لانها طلبت مني اروح لها
بس مااتكلم عن نفسي ابدا كل ماحاولت مثلا احينا تشوف الاشياء
او تستنتج من كتاباتي ليه تقولين عن نفسك غبيه ليه ماتثقين بنفسك
تجلس تبالغ بمدحها وتجرحني حيل بالمدح لانها كذابه وانا عارفه
واصلا مااقدر اركز مع كلامها
اما بالنسهب للبنات بشكل عام بالفصل احب اجلس وحدي
عندي صديقه بالفصل بس مب جنبي وثانيه برا الفصل
صدياتي معهم عادي بس تمر بي لحضات اوقات اصير اخاف
من الكل من كل البنات امشي وعيوني متغارقه وبالارض احس بانهم ينضرولي باشمئزاز
واي احد يمر جنبي زي ارتاع
بس هذه الاشياء تروح وترجع

خلاص مب مطوله بجاوب على بقية الاسئله

فما سبب خوفك من المدرسه ،،؟؟ ماذا يقلقك من المدرسه ؟؟ وما هو مصدر خوفك منها ؟؟
يمكن الناس يمكن المعلمه رغم ان هذا الخوف كل سنه يتكرر
ويمكن لاني بثالث ومب عارفه احفظ مب قادره استوعب ولا اركز وكلا انسي
دايما لي يذاكروا اقل مني ياخذون احسن مني
يمكن ويمكن مااعرف بصراحه كل سنه احط افتراضات كل سنه نفس الخوف

هل تستطيعين تحديد خوفك وسبب كرهك ؟؟
كلهم يكرهوني ماحد يفهمني كلهم ينضرولي باشمئزاز
مااحتم يهتم بي احاول اضع لهم مليون افتراض وعذر
احاول اخدع نفسي بنما هم مب كذا وكل شئ يثبت هذا
ماحد يثق فيني رغم اني غبيه اثق بالكل
انا اكره الناس اكره الاجتماعات كذا اكرهها ومااعرف ليه
احب اكون وحيده رغم اني احيانا اكرة الوحده واخاف منها
خصوصا بالمدرسه صديقاتي رغم انهم قديمات الا ان علاقتي بهم مازلت مستمره
خوفا من الوحه لاني لما اكون وحيده بالمدرسه الكل بينظرولي بذيك النظره
اخاف من عيون الناس اخاف احد يتكلم عني
احاول اتقرب من اهلي بس مااقدر اكون هستيريه اسخر واتطنز
تهاوشني امي منفسه الحمد لله والشكر
انا ايضا اشوف ان ضحكي خطاء بمثل هذه المواقف بعد لما اشوفهم بتهاوشون ولا يبكون
اضحك !!!!!!!
اكرة العيد ومااعرف ليه يمكن علشان اجتماعاته
واهلي احينا يرغموني على الللبس والطلعه
معني اني سنين ماطلعت بس العيد الماضي بالليل
عيدت لااني كنت حالفه اجلس سنه مااروح بيت جدتي
رغم ان بقية اقاربي بالسنوات مارحت لهم !!
مااعرف شالسالفه مااعرف ليه انا كذا والى متى بستمر كذا
اخاف من الناس ومااعرف ليه انا مااطلع بس مره رغموني اهلي وطلعت
فكنت كلا مايمر عندي احد زي ارتاع خفقان خوف قلق
مااعرف ليه

اسفه عالاطاله