|
أ.القحطاني انت املي بعد الله
السلام عليكم
طلب مني الاستاذ ابراهيم الدريعي
اني اتصل فيك
ماقدرت اتصل فقلت بحط الموضوع بالمنتدى افضل
اول شئ
بحطلك مشكلتي مع اهلي حاطتها بموقع ثاني
والدكتور الي رد علي فسرها فبحطها يمكن تكون هي السبب
فيما انا عليه
بالبدايه هذه بها استشارتي الاولى ورده
http://www.alnafsy.com/showadvice.php?advice_num= j94s
رديت عليه ورد علي مره ثانيه هنا
http://www.alnafsy.com/showadvice.php?advice_num=av5k85
بس ماذكرت مشاكلي الثانيه
مشاكلي الثانيه اهمهم الخوف
كنت حاطتها بهالرابط من زمان مارد علي اخصائي ولا طبيب
http://www.nafsany.cc/vb/showthread.php?t=36276
واقرا ردودي لان فيها اضافات
اما عن الحين فعلاقتي بهالمعلمه صرت اروح لها
بس لما اروح اتعب حيل صرت اروح علشان اعطيها قصص او خواطر
وتعلق عليها بس اتعب كثير كثيييييير
لما اروح اقنع نفسي اني بحلم انها مب امامي
ولما تكلمني خصوصا لو تتطرق بالموضوع عن نفسي تعب
يدور راسي كثير يوصل احيانا لدرجهزي بيغمى علي مررررررررره
خلاص تعب غير طبيعي حتى مااقدر اتكلم وكذا ارجع ورا وهي تقرب
وانا ميته خوف لما تخلص الكلام اروح الفصل واحط راسي عالطاوله
لحد نهاية الدوام اكون تعباااااااااااااانه حيل ترتفع حرارتي وتجيلي نفس الاعراض
المذكوره عطيتها بعدين الرابطين الي حطيتهم ببداية هالرساله مااقدر اكلمها
وجه لوجه علشان كذا اعطيها كلام بالورق احسن
قرتهم وقالت لازم تكلم امي ووبعد ماقنعتني وانا قنعت نفسي عطيتها رقم امي بس قلت لاتكلمينها الا بعد الاختبارات ايام الاختبارات تعبت مره لاني صرت مااروح لها
رجع نفس خوفي من خلال لمحها من بعيد اتعب كثير نفس الاعراض تقريبا
ولا قدرت اذاكر كل اشوي اذكرها واخاف لما بعد الاجازه بتكلمها او لا
ايش بيصير احاول مااتذكرها بس تطرا على بالي فجاءه واحس بقشعريره
وقلبي يطيح اروح على طول الحمام واحيانا يزيد على القولون العصبي
ولا اقدر اذاكر حتى .. تشجعت ورحت لها اخر يوم قلت بروح ولا رحت في اخر لحضه
قلت خلاص بروح لانها قالت بتاخذ اجازه النصف الثاني
بس المفاجاءه صحيح اني حسيت اني فرحت لما قالتها لي
انهها احتمال ماتاخذ اجازه وبتدرسنا قلت اذا درستنا يمكن اذا شفتها كل شوي
يخف خوفي بس لو ماخف ايش بسوي انا بثالث!!!
مااصدق تدخل علينا الفصل الحين بلمحها برا الفصل اموت خوف خفقان
ورجولي تتجمل وانفاسي تنقطع وغيره من الاعراض الي قلتها
اما بالنسبه لخوفي بشكل عام من البنات بصراحه يروح ويجي
ايام الاختبارات رجع لدجه ان عيوني تكون مليانه دموع واحيانا تدمع من الخوف
بس الايام الاخيره قبل مااروح لهالاستاذه بيوم تقريبا او يومين
مااقول راح راح يعني في اشوي قل بس دايما كذا يروح ويرجع
واحيانا حتى امي ابغا اقول لها شئ بمجرد التفكير افتح فمي ابغا اتكلم احس ان قلبي يطيح
معني مب دايما لااني لو بتكلم معهم بتكلم بطنازه يعني غير جديه
كانت ماره علينا ضروف عائليه بالعطله الصيفيه الماضيه ماكان ودي اذكرها هنا
بس خلاص بذكرها
ابوي تزوج على امي البيت صار جحييييييم نار انا الحين وانا اكتب ابكي
كل ماذكرت كيف طاح علينا امي كل ماذكرت كيف كانوا يبكون وانا بنفسي الضحكه
كانت قبلها كلا حاسه بتيهان وكذا وكنت اقضى الوقت كله عالتلفزيون
ماتتصور 24 ساعه من اصحي لحد ماانام ومااحد يغير وعلى افلام كرتون
تعرضت لقسوه من ابوي كل يضربني انا الوحيده من بين اخواني يضربني
على اسباب تافهه ليه ماتطلعين لاني انطوائيه ومااحب اطلع ابدااااااا
كانت نفسيتي تعبانه ولما عرفنا بهالموضوع يعني ماتتصور اشياء كثيره صارت
لدرجه انهم كانوا بيوصلون الى درجة الطلاق او الموت
الايام الاولى جلست ابكي كثير صارت مواقف كثيره قهر
كنت مااقدر انام وكلا احس اني بحلم بس لما نمت وصحيت تفاجاءة اني بحقيقه
وجلست ابكي كثير كنت ماانام الا وانا باكيه وحدي بغرفتي واصحي ونا مفزوعه
بدون احلام ولا اي شئ!! اغمض عيوني احاول انام
اشوف نفسي غارقه باافكاري لما اسال بايش انا افكر اشوف نفسي
غارقه واسمع صوتى وانا اغوص بالمويه يعني حقيقه مب حلم افتح عيوني
اشوف نفسي صاحيه او اشوف امي بين يدين خوالي حاملينه ومدخلينها داخل زي كهف او شئ تحت الارض <ترا بعدها امي تلبسوها اهل الارض مرتين بس
بعدها بعد ماطلعت امي من المستشفى ماصرت اشوفهم ابدا
بس اسمع صوت صراخ وهواش بس كثير مااشوف امي تبكي وطايح قدامي
بس اختي سرقتها مني مااقدر اقرب منها وقبل قربت واختي وقفت بوجهي
اختي الكبيره هذه ... بس ماكنت ابكي احيانا مااقدر استحمل واطلع فوق غرفتي
واسلي نفسي بااي شئ ودايما وانا جنبهم مااهتم واجلس عند التلفزيون
ماكنت ابكي ابدا ماكنت افكر حاسه ان راسي يوجعني مافيه افكار
كله تشتت وتعب خصوصا وان هذه المرحله كانت مرحلة تحسني من الاكتئاب
كنت احس ان راسي يوجعني ومازلت كذالك مااقدر افكر امي ماكانت
علاقتها باابوي اول سيئه اصلا مافي سبب !! بس مجرد ان اصدقائه هم
متزوجين على حريمهم ومحرضينه على هالشئ
كانت امي كلا تسافر ابوي يسفرهم يبغون يغيرون جو او يسافرون علشان
شيخ يقرا او كذا بس ماكنت اشوفها اسبوع مع اخواني لشيخ اعتقد
مارحت معهم انا انطوائيه وقلت بتكون فترة راحة من الهواش وكذا
جات يوم وراحت اسبوع مع ابوي مكه ولحقناهم بعدها رغموني اروح معهم
بس حسيت اني مشتاقه لامي كثر وكان هالضروف صحتني من غفوتي
بس مااقدر اسوي شئ طول الطريق وانا ابكي وصلنا ماحسيين ان الشئ الي فاقته
امتلئ لما التقيت بها صارت لنا مواقف وضروف وجروح كثييييره
الايام الاخيره ماكنت ابكي بس الايام الاولى وبغرفتي بس الايام الاخيره والوسط كنت اضحك !
وكنت طول وقتي ماافكر باي شئ على طول تلفزيون
كانوا يجرحون ابوي كثير خصوصا اختي المدلله الاكبر مني تجرات حيل
وامي نفسها ابوي ضلمها يعني الاثنين
المهم زوجته الثانيه طلبت منه الطلاق لان حصلت مشاكل كثيره والناس صاروا يهاوشونها وكذا وامي ماكان ينقصها شئ ابدا فتطلقت من ابوي
بس بعد ماناتهت هالضروف مازالوا بين وقت ووقت ترجع الهواش والذكريات
لما طلقها جلست يومين مانمت اليوم الثاني لحضات كوابيس واصحي كل 5دقايق
تعبت حيييييل نفسيتي صارت زفت وبكيت بهاليومين بس
بس المشكله الحين كل ماطلع ببالي موقف بكيت اصيح مررررررره
معني وقتها ماكنت ابكي بس الحين احس ان الجروح ماجاء المها فيني الا الحين
احس اني تعبانه حيل اصحي فجاءه من نومي اذكرموقف واصيح حيل
ولا اقدر ارجع انام احس بفقدان لامي بس مااقدر حتى اقرب منها
ومن بعد هالحادثه او قبل وانا كل احس بان افكاري مشتتته
ومب قادره افكر وان افكاري تعبانه رغم اني ماافكر فيها ولا افكر بااي شئ
تعبت حيل للمذاكره خصوصا واني بثالث ثانوي بس داخله ادبي
اشتريتلي حبوب مقوى على الاقل ابغا اعرف ايش مكتوب اقرا واسرح مااقدر
استوعب ابدا تعبت ايام الاختبارات الدوريه اذاكر كثير بس مااركز ولا استوعب ولااحفظ
وانسي بس حبوب مقوي الذاكره صرت به احسن من اول بشوي
يعني قدرت اقرا واعرف ايش معني هالكلمه ! معني مب كل مره
بس مازال عندي نسيااااااااان حيل ولا ادري شسوي الحين
المهم كل ماغمضت عيوني او قبل ماانام ونا فاتجتهم من بعد هذيك الحادثه وانا
الاحض زي هلاوس افكر بخرابيط اشياء ادخلها بااشياء مثلا
باب يسكر ادقق بكل لحضه وهو يسكر وكذا وادخل اشياء في اشياء
احس اني افكر بشئ غامض لما اسال نفسي باايش افكر اشوف زي كذا شئ تافهه
في اشياء كثيره يعني تتداخل مع بعضها واحيانا يصير بعد مااصحى من النوم
بس زاد ايام الاختبارات حتى الحين اشوف نفسي اذاكر سرحانه باايش افكر؟
اشوف نفسي اذاكر اشياء بحياتي وبالكتاب واشياء مالها وجود اصلا
اذاكر اشياء وهميه كلام خرابيط !!
وتعبت كثير الحين بالاجازه لان ماعطونا النتيجه واحتمال ماجيب حتى ممتاز
معني يتهيئلي لو بجيب ممتاز على الاقل تخف هواشات امي علي
ذاكرت كثير وتعبت ولااعتقد بجيب نتيجه صديقاتي يذاكرون اقل مني ويجيبون احسن
معني امي كانت تقول اني لما كنت صغيره كنت ذكيه
ومعلمتي دايما تهاوشني لاني بخواطري اذكر كلمة غباء اني غبيه
فتقول طول ماانتي تقدرين تمسكين القلم وتالفين طول مانتي مبدعه معناتها ذكيه
حاولت اني ماافكر بفكرة غبيه ايام الاختبارات علشان مااتتثبت بالعقل الباطني زي مايقوولن
تى اضحك على نفسي لما احل ياغبيه كيف نسيتي واجلس اصلحها على طول
ياذكيه !! خخخخ معني مافي نتيجه... وكلا الحين كوابيس مااذكرها دايما
بس اذكر اني جاله اذاكر ابغا انام خلاص انتهي كل شئ ارتاحي ريحي بالك
مااقدر على طول اشوف نفسي اسرح اشوف كم درجه نقصتها وكذا
وماصرت اقدر اكتب روايات زي اول اللهم الخواطر الاستاذه من تشجيعها لي جراتني اكتب كم وحده
ومااعطيها الا هي
اسلوب صار دمار حتى بكتاباتي اسلوب وافكاري مشتته
مب قادره افكر لاني التجاءت لهذه الطريقه علشان اخفف اكتئابي
وتضايقت كثير اخر يوم اختبارات احس بوجع بقلبي
والايام الاخيره ماادري زي احاتي كيف بيجونا اهل ابوي يوم الخميس
هم يجون كل خميس واتضايق حيل وغالبا مااجلس جنبهم
كيف بقضي هالاجازه حاسه اني بزهق حاسه ان امي مب مرجعتلي النت
كيف بتكلم معلمتي امي خايفه امي تقول لاختي او ابوي
وخايفه بدون سبب بس بعد مافرحت لخبر المعلمه انها بتدرسنا
قلت خلاص مافي خوف وبعدين انا حاسه اني احبها
بس ليه كل هالخوف وكني شايفه جنيه !!
المهم حسيت بتحسن بس بدا الخوف والضيق كعادتي من عودة المدرسه
اسفه لاني طولت بس محتاجه لردك
|